Өчигдрөөс илүү маргаашийг
бүтээхийн төлөө

2000 тонн тусгай бодис, 500 тонн давс нөөцлөв

Улаанбаатар хотын ерөнхий менежер бөгөөд Захирагчийн ажлын албаны дарга Т.Гантөмөр өчигдөр болсон нийслэлийн удирдах ажилтнуудын шуурхай зөвлөгөөнд дүүргүүд өвөлжилтийн бэлтгэл хэрхэн хангасан талаар мэдээлжээ. Энэ хүрээнд тэрбээр “Хотын хэмжээнд тусгай зориулалтын бодис 2000, давс 500 гаруй тонныг нөөцөлсөн. Өнгөрсөн өвөл хотод 440 тонн давс хэрэглэсэн. Тэгэхээр энэ оны нөөц хангалттай гэж үзэж байна. Халтиргаа үүсэх үед хүндрэл гаргахгүйн тулд анхааран ажиллаж байгаа” гэжээ.

Сайжруулсан шахмал түлшний хүрэлцээ, хангамж ямар байгаа талаар нийслэлийн Засаг дарга асуухад, Баянгол дүүрэгт 32 цэгээр сайжруулсан түлш түгээж буй бөгөөд ойрын хугацаанд 10 цэг нэмэхээр ажиллаж буй тухай мэдээлэв. Налайхад тулгамдсан асуудал цөөнгүй байгаа бол бусад дүүрэгт анхаарал татсан ноцтой нь үгүй аж.
Налайх дүүрэгт сайжруулсан шахмал түлшний үйлдвэр байгуулах ажил хойшлогдсонтой холбоотойгоор иргэд бухимдуу байгаа юм байна.

Бэлтгэсэн Ж.Гэрэл

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.