Өчигдрөөс илүү маргаашийг
бүтээхийн төлөө

Монгол зургийнхан 19 дэх үзэсгэлэнгээ нээв

Монгол зургийнхан 19 дэх удаагийн хамтарсан үзэсгэлэнгээ Урчуудын эвлэлийн “Арт” галерейд нээлээ. “Монгол зураг” нийгэмлэгийнхэн энэ удаа уг төрлөөр зурж байсан, зурдаг үе, үеийн уран бүтээлчдийн туурвилыг ч багтаасан байна. Тухайлбал, Ардын зураач, орчин үеийн уран зургийг үндэслэгчдийн нэг Ү.Ядамсүрэн, Ардын зураач Б.Гомбосүрэн нарын бүтээлээс толилуулж буйгаараа онцлог. Үзэсгэлэнд монгол зургаар мэргэшсэн 40-өөд зураачийн бүтээл бий. Олны дундаас хараа булаасан “Нүүдэлчдийн домог”-ийн эзэн, тус нийгэмлэгийн тэргүүн Б.Нямхүүгээс зарим зүйлийг тодрууллаа.

-Нүүдэлчдийг юугаар таньж, ялгаж болох вэ, тэр бүхнийг нэг дор багтаасан санагдлаа. Бүтээлийн санаа хэрхэн төрсөн талаар сонирхуулна уу?

-Дэлхийн түүх нүүдэлчдээс эхтэй гэдэг санаа, агуулгатай. Нотлохын тулд гэх үү, ер нь мэдээллийг тоймтой хүргэхийг зорьж археологийн олдворуудаас нэлээд оруулсан. Мөн тэнгэр үзлийг илтгэх бөөгийн хэнгэрэг, өмсгөл, титэм зэрэг ч бий.

-Билиг гэж тодотгодог нэг эвэртэй гөрөөсөөр ямар домгийг илэрхийлэв?

-Хүннүгийн үед хангай дэлхийгээ хамгаалдаг ийм амьтан байсан гэсэн домог бий. Домгийн сэтгэлгээнд ихэвчлэн хийсвэр байдлаар авч үзэж ирсэн ч зарим эх сурвалжид тухайн үед үнэхээр нэг эвэртэй гөрөөс байжээ гэж тэмдэглэсэн байдаг талаар судлаачид ярьдаг. Би энэ бүтээлдээ амьд юм шигээр зурлаа.

-Дэлхийн түүх нүүдэлчдээс эхтэй гэдэг санаанд, монголчуудыг хамруулж буй гэсэн үг биз?

-Тийм ээ. Хүннүгийн үеийн булшнаас гаргаж ирсэн хөгжмийн зэмсэг, ширдэг, луугийн дүрс зэрэг археологийн олдвор монголчуудын үүх түүхтэй холбоотой.

Бэлтгэсэн Р.Оюунаа

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

1 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.

1 thought on “Монгол зургийнхан 19 дэх үзэсгэлэнгээ нээв