Өчигдрөөс илүү маргаашийг
бүтээхийн төлөө

Хурдан морины уралдааны дүрмийг хэлэлцлээ

Хурдан морины уралдаанч хүүхдийн эрх, аюулгүй байдлыг хангах, хамгаалах тогтоомжийг шинэчлэн боловсруулах чиг үүрэг бүхий салбар дундын Ажлын хэсэг хуралав. Хурлаар Үндэсний их баяр наадмын тухай хууль болон Хурдан морины уралдааны дүрэмд хүүхдийн эрхийг хамгаалах талаар оруулах нэмэлт өөрчлөлтийн төслийг хэлэлцлээ.

Тухайлбал,

• Уралдаанч хүүхдийн аюулгүй байдлыг хамгаалах, боловсролын үйлчилгээг тасалдуулахгүй байх

• Уралдааны бэлтгэл, сунгаа, үсэргээний үед хүүхдийн эрхийг хамгаалах, хариуцлагыг нэмэгдүүлэх

• Уралдаанч хүүхдийн нас, биеийн жин

• Уралдаанч хүүхдийн бэлтгэл, ур чадвар болон уяачийн морь уях дэг

• Хүүхдийн аюулгүй ослын даатгал• Хүүхдийн хамгаалалтын хувцас хэрэглэлд тавигдах стандарт

• Уралдаан зохион байгуулагчдын үүрэг, хариуцлага

• Уяачийн болон эцэг эхчүүдийн үүрэг, хариуцлагыг өндөрсгөх зэрэг асуудлыг тусгахдаа судалгаагаа нарийвчлах, нотолгоонд суурилсан зохицуулалтыг хангаж ажиллахаар зөвшилцлөө.

Юнескогийн соёлын биет бус өвд бүртгэгдсэн Монгол үндэстний наадам, хурдан морины уралдааны уламжлалт өв соёлыг хадгалахдаа хүүхдийн аюулгүй байдлыг хангах, цаашид мэргэжлийн морин спортыг хөгжүүлэхэд хууль, эрх зүйн асуудлыг тусгайлан авч үзэх шаардлагатайг гишүүд онцолж байлаа.

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.