Өчигдрөөс илүү маргаашийг
бүтээхийн төлөө

Агаарын салбарын хамтын ажиллагааг өргөжүүлнэ

Хөдөлмөр, нийгмийн хамгааллын сайд А.Ариунзаяа Засгийн газрын 2021 оны 163 дугаар тогтоолын дагуу Худалдаа, эдийн засаг, шинжлэх ухаан, техникийн хамтын ажиллагааны Монгол, Вьетнамын ЗГХК-ын монголын хэсгийн даргаар томилогдсон. Энэ хүрээнд Хөдөлмөр, нийгмийн хамгааллын сайд А.Ариунзаяа БНСВУ-аас Монгол Улсад суугаа Онц бөгөөд Бүрэн эрхт Элчин сайд Зоан Хань Дам болон Монгол Улсаас БНСВУ-д суух Онц бөгөөд Бүрэн эрхт Элчин сайд Ж.Сэрээжав нарыг хүлээн авч уулзлаа.

Уулзалтын үеэр Хөдөлмөр, нийгмийн хамгааллын сайд А.Ариунзаяа хоёр улсын хамтын ажиллагааг холбогдох салбарт өргөжүүлэн хөгжүүлэх чиглэлд хийж гүйцэтгэхээр тохирсон ажлуудыг ажил хэрэг болгоход Элчин сайд нарыг анхаарал хандуулж ажиллахыг хүслээ. Тодруулбал, харилцан ашиг сонирхлыг харгалзаж худалдааны эргэлтийг нэмэгдүүлэх, хөдөө аж ахуйн гаралтай бүтээгдэхүүнийг харилцан нийлүүлэх, хоёр тал агаарын салбарын хамтын ажиллагааг өргөжүүлж, хоёр талын хооронд зорчигч шууд нислэгийн зам нээх зэрэг олон салбарын хамтын ажиллагааны түвшинг нэмэгдүүлэх үүднээс холбогдох яриа хэлэлцээг үргэлжлүүлэх, ажлын хэрэгжилтийг эрчимжүүлэх шаардлагатайг хэлэлцэв.

Нийгмийн хамгааллын асуудлын хүрээнд Монгол Улсын Хөдөлмөр, нийгмийн хамгааллын яам, БНСВУ-ын Хөдөлмөр, хөгжлийн бэрхшээлтэй иргэд, нийгмийн асуудлын яам хооронд байгуулсан Санамж бичгийн хэрэгжилтийг эрчимжүүлэх талаар хүчин чармайлт гарган ажиллахаар боллоо. Түүнчлэн, XVII хуралдаанаар ЗГХК-ын XVIII хуралдааныг 2021 онд Монгол Улсад хийхээр талууд тохирсон боловч КОВИД-19 цар тахлын улмаас хойшлогдох төлөвтэй байгаа тул ээлжит хуралдааны товыг дипломат шугамаар дахин тохирохоор болов.

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.