Өчигдрөөс илүү маргаашийг
бүтээхийн төлөө

Урьдчилан бэлтгэж, улсын хилийг санаатайгаар зөрчихийг завдлаа

Дорноговь аймгийн Замын-Үүд сум дахь хилийн 0108 дугаар ангийн хариуцсан хэсэг, хилийн дугаар тэмдгийн чиглэлээр энэ сарын 21-ний өдөр түрүүч О.Пүрэвсүх ахлагчтай хилийн манаа гадаадаас дотоод руу явсан нэг явган хүний мөр илрүүлж ангийн шуурхай жижүүрт мэдэгджээ. Үүссэн цагийн байдлын дагуу хилийн эрэл зохион байгуулж, улсын хилээс 7.6 км газарт хилийн заставын сургалт эрхэлсэн орлогч, ахлах дэслэгч Г.Төрмөнхийн ахалсан баг хил зөрчигчийг нуугдаж байхад нь олж саатуулсан байна. Уг хил зөрчигч нь БНХАУ-ын иргэн, эрэгтэй, эрхэлсэн тодорхой ажилгүй, ӨМӨЗО-ны Улаан хад аймаг, Байран хошууны Баянхан сумын Царстайд оршин суудаг өвөрмонгол үндэстэн гэнэ. Хил зөрчигч иж бүрэн тусгай өнгөлөн далдлалтын хувцастай, дуран, хутга болон БНХАУ-ын мөнгөн тэмдэгт зэргийг биедээ авч явжээ. Хил зөрчигчийг холбогдох хуулийн байгууллагад шилжүүлэн өгөөд байна.

Ташрамд дурдахад, найм болон есдүгээр сард ОХУ болон БНХАУ-ын талаас Монгол Улсын хилийг зөрчих гэсэн хэд хэдэн тохиолдол гарсныг манай хилчид тухай бүр нь илрүүлсэн билээ.

2
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.