Өчигдрөөс илүү маргаашийг
бүтээхийн төлөө

Хүрхрээнээс унасан хүний цогцсыг долоо хоногийн дараа олов

Баян-Өлгий аймгийн Цэнгэл сумаас 100 гаруй км-т орших Бага түргэний хүрхрээний ойролцоо амарч байсан 12 иргэний нэг нь энэ сарын 12-нд 22 метрийн өндрөөс халтирч унан, усанд осолдсон. Тус аймгийн Онцгой байдлын газрынхан дуудлага хүлээн авсан өдрөөс хойш тав хоногийн турш эрэн хайх ажиллагаа зохион байгуулсан боловч үр дүнд хүрээгүй тул зогсоогоод байсан юм. Гэтэл үүнээс хоёр хоногийн дараа тухайн иргэний цогцсыг аялагчид олжээ. Тодруулбал, “Бага түргэний хүрхрээнээс 15 метрийн зайд, голын чулуунд тээглэсэн цогцос байна” гэсэн мэдээлэл Онцгой байдлын газарт уржигдар 18.45 цагт ирүүлсэн байна. Цэнгэл сум дахь Гал түймэр унтраах, аврах 71 дүгээр ангийн аврагчид цагдаа, шүүхийн шинжилгээний байгууллагын төлөөлөлтэй хэргийн газарт очиж, цогцсыг уснаас гаргажээ. Золгүй байдлаар хүрхрээнээс осолдож, амиа алдсан иргэн Орхон аймгийн Баян-Өндөр сумын харьяат, 35 настай эрэгтэй байжээ.

Бэлтгэсэн Ж.Мишээл

1
ХарамсалтайХарамсалтай
0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ТэнэглэлТэнэглэл
Баярлалаа!

1 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.

1 thought on “Хүрхрээнээс унасан хүний цогцсыг долоо хоногийн дараа олов