Өчигдрөөс илүү маргаашийг
бүтээхийн төлөө

Олгосон зээл нь эргэн төлөгдөөгүй учраас Д.Баярсайханыг шалгах болжээ

Төрийн банкны гүйцэтгэх захирал Д.Баярсайханаас өнгөрсөн долоо хоногийн пүрэв гарагт хууль сахиулах байгууллахынхан байцаалт авсан нь өдгөө олны анхаарлын төвд байна. Түүнийг ЭЦА-ны Эдийн засгийн гэмт хэрэгтэй тэмцэх газар, Тагнуулын ерөнхий газар, АТГ-ынхан хамтран шалгаж буй бөгөөд яллагдагчаар татах саналыг нь НПГ-ынхан хүлээн аваад буй аж. Эх сурвалжийн мэдээлснээр, Төрийн банкны ерөнхий захирал Д.Баярсайхан 2016-2017 онд тус банкны Зээлийн ерөнхий хорооны даргаар ажиллаж байхдаа 2017 оны зургадугаар сарын 23-нд 55/01 дугаартай шийдвэр гаргаж, БНХАУ-ын “Шинжан шинфан” компанид 20 тэрбум төгрөгийн зээл зургаан сарын хугацаатай олгосон юм байна. Эргэн төлөгдөх хугацаа 2017 оны арванхоёрдугаар сарын 22- нд дууссан ч дээрх компани одоо хүртэл зээлээ бүрэн гүйцэд төлөөгүй гэнэ. Мөн уг зээлийг олгохдоо Д.Баярсайхан Банкны тухай болон өөр нэг бус хууль зөрчсөн нь тогтоогдсон учраас ийнхүү эрүүгийн хариуцлагад татахаар шалгаж эхэлсэн байна.

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.

0 thoughts on “Олгосон зээл нь эргэн төлөгдөөгүй учраас Д.Баярсайханыг шалгах болжээ