Өчигдрөөс илүү маргаашийг
бүтээхийн төлөө

Төв аймагт гамшгаас хамгаалах сургууль болж байна

Онцгой байдлын ерөнхий газраас Төв аймагт зохион байгуулж байгаа гамшгаас хамгаалах иж бүрэн сургууль хоёрдах өдрөө үргэлжилж байна.

Гамшгаас хамгаалах иж бүрэн сургуулийн зорилго нь нутгийн захиргааны байгууллага, гамшгаас хамгаалах орон нутгийн албад, мэргэжлийн анги, төрийн бус байгууллагын гамшгаас хамгаалах төлөвлөлтийг бодит байдалд нийцүүлэн тодотгох, байгууллага хоорондын түншлэл хамтын ажиллагаа, салбар дундын удирдлага, зохицуулалтыг боловсронгуй болгох, гамшгаас хамгаалах хүч, хэрэгслийн бэлтгэл, бэлэн байдлыг дээшлүүлэх, үүрэг гүйцэтгэх чадавхыг нэмэгдүүлэхэд чиглэгддэг.

Энэ удаагийн гамшгаас хамгаалах иж бүрэн сургуулийн хувьд ч орон нутгийн бүх шатны удирдлага, гамшгаас хамгаалах албад, мэргэжлийн ангийн удирдах бүрэлдэхүүний гамшгаас хамгаалах менежмент эрсдэлийн үнэлгээний мэдлэгийг дээшлүүлэх, төрийн болон төрийн бус байгууллага, хувийн хэвшил хоорондын гамшгийн үеийн харилцан ажиллагааг жигдрүүлэх, гамшгийн голомтод эрэн хайх, аврах, хор уршгийг арилгах чиглэлээр аймгийн Онцгой комисс, гамшгаас хамгаалах алба, мэргэжлийн ангийн удирдах бүрэлдэхүүний шийдвэр гаргах явцад мэргэжил арга зүйн зөвлөгөө өгөх, аюул, осол тохиолдсон үед аврах, хор уршгийг арилгах, үйл ажиллагаанд гарах хүндрэл, бэрхшээлд аймаг, орон нутгийн бэлтгэл, бэлэн байдлыг хангах бодлогын хүрээнд зохион байгуулагдаж байгаа юм.

Аймгийн Онцгой комисс, сумдын Засаг дарга, гамшгаас хамгаалах орон нутгийн алба, аж ахуйн нэгж байгууллагуудын удирдах бүрэлдэхүүн “Бүх шатны нутгийн захиргааны байгууллага, гамшгаас хамгаалах орон нутгийн албад, мэргэжлийн анги, хуулийн этгээд, төрийн бус байгууллагын гамшгаас хамгаалах төлөвлөлт, бэлэн байдал, тэдгээрийн харилцан ажиллагаа” сэдвийн хүрээнд газар хөдлөлт, хүн, мал амьтны гоц халдварт өвчин, хүчтэй цасан шуурга, зудын нөхцөл байдлыг үнэлэх цагийн байдлын өгөгдлийн дагуу ажиллаж байгаа аж.


0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.