Өчигдрөөс илүү маргаашийг
бүтээхийн төлөө

Шандын ордоос зэсийн хүдэржилт илэрчээ

“Эрдэнэт үйлдвэр”-ийн ерөнхий захирал Х.Бадамсүрэн компанийн ирээдүйд чухал нөлөөтэй хүдрийн нөөц бүхий орд, илрэлүүдийн геологи хайгуулын ажилтай танилцжээ. Тус компани 2012 онд илрэл тогтоосон Шандын ордод өрөм тавьж байгаа аж. Энэ удаа 1300 гаруй метр гүн өрөмдсөн нь анхны тохиолдол болсон бөгөөд тэнд хүдэржилт байх магадлалтай үр дүн гарчээ.

Х.Бадамсүрэн “Хэрэв нөөц тогтоогоод ашиглах болбол далд уурхайн асуудал яригдана. Далд уурхайн зардал өндөр байдаг. Тиймээс хүдрийн агуулга хэр гэдэгт онцгой анхаарах хэрэгтэй. Зэсийг дагаад өөр үнэт металл байж гэмээнэ ордын үнэ цэн нэмэгдэх учиртай” гэж ярьжээ.

Агаар сансрын зургийн тайлал, геофизикийн аргачлалуудаас гадна талбайн урсгал сарнилын хүрээний болон хөрсний геохимийн дээжлэлт, хувирлын зэрэг өмнө нь гүйцэтгэж байгаагүй цогц ажлыг Эрдэнэтийн овоо ордын эргэн тойрон 60 км радиуст энэ жил хийж буй аж. “Эрдэнэт үйлдвэр” геологи хайгуулын ажилд 2017 онд өмнөх жилийнхтэй нь харьцуулахад хоёр дахин их хөрөнгө зарцуулсан байна. Тэгвэл энэ онд 3.2 дахин өсгөжээ.

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.

0 thoughts on “Шандын ордоос зэсийн хүдэржилт илэрчээ