Өчигдөрөөс илүү маргаашийг
бүтээхийн төлөө

Үндсэрхэг үзэлтнүүд монгол иргэдэд халджээ

Москвагийн төмөр замын “Станколит” өртөөнд ази иргэдийг хутгалж хүндээр гэмтээсэн 16-21 насны хоёр залууг цагдаа нар долоо хоногийн дараа баривчилжээ. Уг хэрэг энэ сарын 12-нд гарсан бөгөөд халдлагад өртөгсдийн нэг нь гэр бүлийнхээ хүний хамт явж байсан монгол залуу аж.

Цус их алдаж эмнэлэгт хүргэгдсэн тэрбээр “Би эхнэртэйгээ супермаркет орчихоод буцаж явсан юм. Гэтэл бидний араас хоёр залуу хар хурдаараа гүйж яваа харагдсан. Тэдний нэг нь дөхөж ирээд “Зам тавиарай” гэж орилохын хамт нуруу руу цохичих шиг л болсон. Удалгүй халуу оргиж, цус гарснаар хутгалуулснаа мэдсэн” гэж цагдаагийнханд мэдүүлжээ. Үндсэрхэг үзэлтнүүдийн “золиос” болсон нөгөө хохирогч нь 20 настай тажик залуу.
Ер нь сүүлийн үед хойд хөршид бейсболын цохиур модоор зэвсэглэсэн неонацистууд ази, африк иргэдийг зодож гэмтээх явдал цөөнгүй гарах болжээ. Энэ хэргийн өмнөхөн буюу тавдугаар сарын 5-нд Москвагийн зүүн хойд дүүрэгт хүйтэн зэвсгээр хороосон хэрэг гарсан юм. “Станколит” өртөөнд танхайрсан этгээдүүд гэхэд л интернэтээр танилцсан үндсэрхэг үзэлтнүүд байжээ.

Танхайрагчдад хутгалуулсан монгол залуугийн биеийн байдал ямар байгаа болон энэ талаар Монгол Улаас ОХУ-д суугаа ЭСЯ, манай ГЯЯ-ныхан ямар арга хэмжээ авч байгаа талаар тус яамны Хэвлэл, мэдээллийн хэлтсийн нэгэн ажилтнаас тодруулахад
-Бидэнд энэ талаар ямар нэг мэдээлэл ирээгүй. Тиймээс одоогоор тодорхой зүйл хэлэх боломжгүй байна гэв.

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.