Өчигдөрөөс илүү маргаашийг
бүтээхийн төлөө

Халдварын оношилгооны молекул биологийн лаборатори байгуулна

Монгол Улсад Шинэ Коронавирусийн голомтолсон халдвар бүртгэгдэн халдварын тохиолдлын тоо өдөр бүр нэмэгдэж байна. Улс орон даяар бүх нийтийн бэлэн байдлын зэрэгт шилжсэн энэ үед АШУҮИС-ийн хамт олон вирусийн халдварын оношилгооны лабораториудын ачааллыг хуваалцах, бэлэн байдлыг хангах, коронавируст халдварын оношилгооны дэвшилтэт арга технологийг нутагшуулах, био-анагаахын мэргэжилтэн бэлтгэх бүх шатны сургалтын чанарыг сайжруулах, хүний нөөцийг чадавхжуулах зорилго тавин ажиллаж буй. Зорилтынхоо хүрээнд молекул биологийн лаборатори байгуулах ажлыг эхлүүлжээ. Улмаар АШУҮИС-ийн захирлын 2021 оны нэгдүгээр сарын 25-ны өдрийн А/15 тоот тушаалаар Био-Анагаахын хүрээлэнгийн дэргэдэх молекул биологийн оношлогооны лабораторийн хүний нөөцийн бүрэлдэхүүнийг баталж, лабораторийн эрхлэгчээр АУС-ийн Эмнэлзүйн лабораторийн тэнхимийн ахлах багш АУ-ны доктор, дэд профессор Т.Хосбаярыг түр томилон ажиллуулж байна. ШУТГ-аас Лабораторийн зураг төслийг Био-Аюулгүй байдлын 2-р зэргийн лабораторийн түвшинд нийцүүлэн боловсруулж, ДЭМБ-ын бүсийн лавлагаа лабораторийн профессор гадаад хөндлөнгийн үнэлгээг хийж баталгаажуулан АШУҮИС-аас 100 гаруй сая төгрөгийн хөрөнгө оруулалт хийжээ. Лабораторийн дэд бүтэц, агааржуулалт, засвар үйлчилгээ, тохижилтын ажлыг ХҮГ-ын баг хамт олон гүйцэтгэж байгаа ба өнөөдрийн байдлаар засварын ажлын явц 75 хувьд хүрээд байна.

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.