Өчигдөрөөс илүү маргаашийг
бүтээхийн төлөө

УЛИАСТАЙД ОСОЛ ГАРЧ АХ, ДҮҮС НАС БАРЛАА

Автомашин мөргөлдөж, хоёр хүн нас барлаа гэсэн дуудлага нийслэлийн Онцгой байдлын газарт өчигдөр 11.34 цагт иржээ. Хэргийн газарт ажиллаж, иргэдэд анхны тусламж үзүүлсэн Шуурхай бүлэг-105-ын тасгийн дарга ахмад А.Баярмөнхөөс зарим зүйлийг тодрууллаа.

-Гурван машин мөргөлдсөн байна. Хэдэн хүн гэмтэж бэртсэн бэ?

-Улиастайн гүүрний хойд талд осол гарлаа гэсэн дуудлага авсан даруйдаа бид очсон. УБА 91-39 улсын дугаартай “Гранд марк-2” машины жолооч урдаа явсан УБИ 10-64 дугаартай “Портер”-ийг гүйцэж түрүүлэх гэж байгаад гулгаж, 180 градус эргэсэн юм билээ. Гулгасны улмаас УНБ 45-56 улсын дугаартай “Тэнүүн огоо” компанийн Таван шар-Баянзүрхийн товчоо чиглэлийн нийтийн тээврийн автобустай мөргөлдсөн. Суудлын машинд явсан хүмүүс нэг гэр бүлийнх бөгөөд хүү нь жолоодож явжээ. 38-48 насны хоёр хүн газар дээрээ нас барсан. Жолооч, урд талын суудалд явсан эгч нь хүнд гэмтсэн. Тэднийг Гэмтэл согог судлалын үндэсний төвд яаралтай хүргүүлсэн.

-Автобусанд явсан зорчигчид гайгүй юу?

-Автобусанд 18 зорчигч явсан. Гэмтсэн хүн байгаагүй. Харьяаллын дагуу хэр гийг Баянзүрх дүүргийн цагдаагийнхан шалгаж байгаа.

Х.СҮРЭН

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.