Өчигдөрөөс илүү маргаашийг
бүтээхийн төлөө

УИХ-ын дарга БНСУ-д албан ёсны айлчлал хийнэ

    УИХ-ын дарга Д.Дэмбэрэл гэргийн хамт энэ сарын 22-26-нд  БНСУ-ын Үндэсний Ассамблейн урилгаар тус улсад  албан ёсны айлчлал хийх гэж байна. Тэрбээр айлчлалынхаа хугацаанд БНСУ-ын Үндэсний Ассамблейн дарга Ким Хен О-той уулзалт хэлэлцээ хийж, Хууль зүйн Байнгын хорооны дарга Юү Сөн Хо, БНСУ-ын Гадаад бодлого, худалдаа, нэгдлийн Байнгын хорооны дарга Пак Жин нартай уулзаж хоёр орны харилцаа, хамтын ажиллагааны асуудлаар санал солилцох аж. Мөн  БНСУ-ын Ерөнхийлөгч Ли Мён Багт бараалхана.
    Түүнчлэн Инчоны чөлөөт эдийн засгийн бүс болон  “Шинэ тосгон хөдөлгөөн” байгууллагад зочилж, Генги мужид загвар тосгонтой танилцахаар төлөвлөжээ. Чэжү аралд тусгай хөтөлбөрөөр зочилж, БНСУ-ын Үндэсний Ассамблейн “NATV” телевиз, “Жүн Ан Илбо” сонинд тус тус  ярилцлага өгөх юм.
    Д.Дэмбэрэлийг  УИХ-ын гишүүн, УИХ дахь Монгол-Солонгосын Парламентын бүлгийн гишүүн Д.Одхүү, УИХ-ын гишүүн Д.Тэрбишдагва, Д.Хаянхярваа, Д.Энхбат, С.Эрдэнэ, УИХ-ын Тамгын газрын Ерөнхий нарийн бичгийн дарга Ц.Шаравдорж болон албаны бусад хүн багтжээ гэж УИХ-ын Хэвлэл мэдээлэл, сурталчилгааны хэлтсээс мэдээлэв.
 

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.