Б. УуганбаярНийслэлийн 35 дугаар дунд сургуулийн байранд УИХ-ын гишүүн Лу.Гантөмөрийн нэрэмжит “Стандарт-2010” математикийн олимпиад боллоо. Анх 35 дугаар дунд сургуулийн математикийн багш нарын санаачлагаар 2005 оноос эхэлсэн уг олимпиад уламжлал болон өдгөө зургаа дахь жилдээ зохиогдож байна. Энэ удаагийн “Стандарт-2010” олимпиадад нийт 19 сургуулийн 1100 гаруй хүүхэд оролцсон юм. Уг уралдаанд зургаан настай балчир сурагчаас эхлээд 11 дүгээр ахлах ангийнхан ч ирсэн юм. Эхний гурван байрт шалгарсан сурагчдыг өргөмжлөл, медаль, мөнгөн шагналаар урамшуулдаг уламжлалтай. Энэ удаагийн олимпиад ч мөн адил анги тус бүрээс гурван байр шалгаруулах аж. Сургууль бүрийн анги тус бүрт 3 эрх олгосны дагуу нэг сургуулиас 1-11 дүгээр агийн нийт 33 сурагч оролцлоо. Энэ удаагийн “Стандарт-2010” олимпиад сурагч багши нарыг сорьсон өргөн хүрээг хамарсан уралдаан болж өнгөрлөө. Уралдааны дүнг маргааш танилцуулж, шилдэг сургууль болон сурагч нарт шагнал гардуулах юм.
Зөв, гоё
Савж уналаа
Хөөрхөн юм
Гайхмаар
Буруу
Харамсалтай
Тэнэглэл
0 Сэтгэгдэл