Сонсголын бэрхшээлтэй мисс тодорлоо

Сэтгэлийн дэм сан, Монголын дүлий иргэдийн холбоо хамтран Монголд анх удаагаа “Dief miss Mongolia 2010” тэмцээнийг зохион байгуулав. Сонсгол, хэл ярианы бэрхшээлтэй 18-25 насны бүсгүйчүүдээс шалгарсан 10 мисс энэхүү анхны тэмцээнд оролцсон юм. Тэмцээн Хүүхдийн урлан бүтээх төвийн жижгхэн зааланд, цомхон хүрээнд болсон ч үзэгч, оролцогчдын дотно харилцаа, сэтгэл хөдлөлөөр оргилж байв.
Тэмцээнд нэлээд олон цаг үргэжилсний эцэст арван бүсгүйгээс хоёр дугаартай Алтансоёмбо тэргүүн айж эзэлж, Монголын анхны сонсголын бэрхшээлтэй миссээр тодорлоо. Тэрээр энэхүү наадамд түрүүлснээрээ АНУ-ын Лас Вегас хотод болох олон улсын сонсголын бэрхшээлтэй миссийн тэмцээнд оролцох эрхтэй болж байгаа юм.