Өчигдөрөөс илүү маргаашийг
бүтээхийн төлөө

Налайхад барилгын материалын бөөний болон жижиглэн худалдааны төв байгуулна

Нийслэлийн Засаг даргын зөвлөлийн хуралдаан өнгөрсөн баасан гарагт болжээ. Уг хуралдаанаар “Налайхын барилгын материалын үйлдвэрлэл, технологийн парк” орон нутгийн өмчит, төсөвт үйлдвэрийн газрын үйл ажиллагаанд дэмжлэг үзүүлэх тухай асуудлыг нийслэлийн Инновац технологийн асуудал хариуцсан төслүүдийн удирдагч М.Халиунбат танилцуулсан байна.

Төлөвлөсөн бүтээн байгуулалтаа хийж, үйл ажиллагааг нь эхлүүлснээр энэ оны төгсгөл гэхэд 50 гаруй үйлдвэрийг шинээр ашиглалтад оруулах аж. Ингэснээр 1500 ажлын байр бий болох юм байна. Эхний ээлжид 120 га талбайд үйлдвэр барихаар төлөвлөсөн гэнэ. Эдгээр үйлдвэр бүрэн хүчин чадлаараа үйл ажиллагаа явуулж эхэлбэл барилгын материалын үндэсний үйлдвэрлэл 1.78, Налайх дүүргийнх 32 дахин нэмэгдэх аж. М.Халиунбат “Налайхын барилгын материалын үйлдвэрлэл, технологийн парк”-ийн өргөтгөлийн 130 га газарт хийж буй бүтээн байгуулалтын ажилтай уялдуулан ачаа тээврийн байршлын онцлог, давуу тал, ажлын хэсгийн санал зэргийг үндэслэн, барилгын материалын бөөний болон жижиглэн худалдааны төв, олон улсын ачаа тээврийн парк байгуулах шаардлагатай” гэсэн санал гаргажээ. Уг саналыг зөвлөлийн гишүүд хэлэлцэж, нийслэлийн ИТХ-ын Тэргүүлэгчдийн хуралдаанаар хэлэлцүүлэхээр тогтсон байна.

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.