Өчигдөрөөс илүү маргаашийг
бүтээхийн төлөө

Мялзангаар 714 гахай хорогдож, 3931-ийг устгажээ

Нийслэлийн Мэргэжлийн хяналтын газар сар шинийн баярыг угтан, есөн дүүрэгт үйл ажиллагаа эрхэлдэг худалдаа, үйлчилгээний газруудыг шалгасан талаараа өчигдөр мэдээлэл хийв. Нийт 158 аж ахуйн нэгж, 950 иргэн, худалдааны төв, зах, нийтийн хоолны 1108 газрыг шалгахад 518 зөрчил илэрч, 69 байгууллага, хувь хүнд 42 800 000 төгрөгийн торгууль ногдуулжээ. Тэдгээрийн дийлэнх нь хаяг шошго нь тодорхойгүй, хугацаа нь дууссан хэвийн боов худалдаалж байжээ. Мөн мялзангаас урьдчилан сэргийлэх зорилгоор 313 гахай, 3.3 тонн мах устгажээ.

Улсын хэмжээнд мялзан өвчний тархалт ямар байгааг албаныхнаас тодруулахад, энэ сарын 21-ний байдлаар Төв аймгийн Сэргэлэн, Булганы Булган, Орхоны Баян-Өндөр, Дундговийн Сайнцагаан, Дорнодын Матад, Дархан-Уулын Дархан, Сэлэнгийн Орхон, Мандал, Хөвсгөлийн Түнэл, Говьсүмбэр аймгийн Сүмбэр сум, нийслэлийн Баянгол, Баянзүрх, Сонгинохайрхан дүүрэгт тус тус бүртгэгджээ. Нийт 714 гахай хорогдож, 3931-ийг устгасан байна.

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.