Өчигдөрөөс илүү маргаашийг
бүтээхийн төлөө

Дойче банк Монгол улсын стратегийн түнш болох хүсэлтэй

Давост ажиллаж байх хугацаандаа Монгол улсын Ерөнхийлөгч Ц.Элбэгдорж Дойче банкны төлөөлөгчдийн хүсэлтээр тус банкны дэд Ерөнхийлөгч К.Кох-Везертэй уулзлаа.
Ноён К.Кох-Везер нь Германы сангийн яамны орлогч сайд байсан, дэлхийн банкинд олон жил ажилласан германы тэргүүлэх эдийн засагчдын нэг юм. Тэрээр, Дойче банк нь манай улсын стратегийн түнш болох саналтай байгааг Ерөнхийлөгчид уламжиллаа.
Ерөнхийлөгч, Дойче банкны зүгээс Монгол улсад тодорхой хөрөнгө оруулалт хийж, санхүүгийн зөвлөгөө өгч байдагт талархлаа илэрхийлээд, монгол залуучуудыг банк санхүүгийн салбарт сургаж, дадлагажуулах, ялангуяа бондын худалдааны чиглэлээр мэргэжилтэн бэлтгэхэд туслалцаа үзүүлэхийг хүслээ.
Дойче банк бол дэлхийн 75 улсад 17 сая орчим үйлчлүүлэгчтэй, германы хамгийн том арилжааны банк бөгөөд, хямралын үед төрөөс тусламж аваагүй цөөхөн банкнуудын нэг юм.
Тус банк нь манай улсад 2009 оны байдлаар 250 сая долларын хөрөнгө оруулалт хийгээд байна.
 

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.