Өчигдөрөөс илүү маргаашийг
бүтээхийн төлөө

Б.Болдыг “Rio tinto”-гийн Эрчим хүч, эрдсийн группийн захирлаар томиллоо

Дэлхийн уул уурхайн хоёр дахь том компани “Rio tinto” 10 за­хирлынхаа хоёрыг нь халсан та­лаар “Reuters” дамжуулав. “Rio tinto”-гийн Эрчим хүч, эрдсийн группийн захирал Алан Дейвисийг үүрэгт ажлаас нь чөлөөлж, оронд нь Б.Болдыг томилжээ. Улмаар тэрбээр тус компанийн гүйцэтгэх хорооны гишүү­дийн (нийт есөн хүний бүрэлдэхүүнтэй) нэг болж буй. Б.Болд нь “Rio tinto”-д 2013 оны тавдугаар сараас ажиллаж эхэлсэн бө­гөөд хэд хэдэн удаа тушаал ахиж, өнгөрсөн оны наймдугаар сараас Төмрийн хүдрийн группийн борлуулалт, маркетинг хариуц­сан захирлаар ажиллаж байсан юм.

Тэр­бээр анх “Rio tinto”-гийн Зэсийн группийн олон улсын үйл ажиллагаа (Өмнөд Африк, Австрали, Индонез, АНУ, Монгол Улс дахь) хариуцсан ерөнхийлөгчөөр ажиллаж байв. Мөн 2010 оноос “Оюутолгой” төслийн зөв­ лөхөөр ажиллажээ. Б.Болд нь 2009 он хүр­тэл Нью-Йорк, Лондон дахь “JPMorgan”-д (11 жилийн турш) хөрөнгө оруулалтын бан­кираар ажиллаж байжээ. Тэгвэл 2012-2014 онд Монголын хөрөнгийн биржийн ТУЗ-ийн даргаар ажилласан юм. Алан Дейвис нь Гвиней улс дахь төмрийн хүдрийн томоохон “Симандоу” төслийн зөв­лөх Франсуа де Комбред 10.5 сая ам.дол­ларын төлбөр өгсөн нь илэрчээ. Алан Дей­вис “Rio tinto”-д 20 орчим жил ажилласан агаад дээрх албан тушаалд өнгөрсөн дол­дугаар сард томилогдож байсан аж. Бас Хууль, захиргааны хэргийн захирал Дебра Валентайныг халжээ. Тэрбээр ирэх онд тэтгэвэртээ гарах байсан гэнэ. Тус компани мэдэгдэлдээ “Дэлхийн улс орнуудад мөрд­дөг компанийнхаа стандартыг эдгээр за­хирал хангуулж ажиллаагүй” гэж бичжээ. Дашрамд дурдахад, “Rio tinto” нь “Симандоу” төслийн 46.6 хувийг Хятадын төрийн өмчит “Chinalco”-д худалдахаар тохиролцсоноо өнгөрсөн сард мэдэгдэж байв. 

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

2 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.

2 thoughts on “Б.Болдыг “Rio tinto”-гийн Эрчим хүч, эрдсийн группийн захирлаар томиллоо

  • Avatar Зочин says:

    ОТ-г хулгайлахад оролцсон мөн хулгайг нууцалж байхынхаа төлөө шагнал авлаа. Цаг хугацаа бүхнийг ил болгоно, харин Монголын ард түмний өмч хөрөнгийг хулгайлсаны чинь төлөө чамайг бүх үе удмаар чинь БУРХАН цээрлүүлэг…