Өчигдөрөөс илүү маргаашийг
бүтээхийн төлөө

Б.БАТ-ЭРДЭНЭ: АТГ-ын удирдлагын асуудлыг илээр санал хураах хэрэггүй гэж үзлээ

УИХ-ын Хууль зүйн байнгын хороо өчигдөр хаалттай хуралдав. Байнгын хороог хаалттай хуралдуулах болсон шалтгаан нь АТГ-ын дарга, дэд даргын бүрэн эрхийг түдгэлзүүлэх эсэх асуудал. Тэд өнгөрсөн долоо хоногт хуралдаад нууцаар санал хурааж, олонхийн саналаар АТГ-ын удирдлагыг хамгаалсан. Гэвч УИХ-аас томилдог байгууллагын даргын асуудлыг гишүүний энтэй авч үзэж, нууцаар санал хураасан нь Үндсэн хууль зөрчсөн хэмээн АН-ын бүлэг үзсэн юм. Хууль зүйн маргаанаа шийдтэл УИХ-аар уг асуудлыг хэлэлцэхийг түр хойшлуулсан. Тиймээс Байнгын хороо өчигдөр хуралдаж, асуудлаа “шийдэв”. Гэхдээ ахиц гарсангүй.

Энэ талаар Хууль зүйн байнгын хорооны дарга Б.Бат-Эрдэнээс лавлалаа.

-Нууцаар санал хураасан нь хууль зөрчсөн эсэх нь эрх зүйн талаас нэлээд маргаантай асуудал. УИХ-ын дарга Байнгын хороо, Тамгын газар АН-ын шаардлагыг нягтлаад ярь гэсэн чиглэл өгсөн. Сая бид нэлээд ярилаа. Байнгын хороо олонхоороо шийдвэр гаргадаг. Гишүүдээс асуудлыг илээр санал хурааж шийдэх горимын санал гаргасан ч олонх нь дэмжсэнгүй.

-Хуралд хэдэн гишүүн оролцов?

-14 хүн оролцоод тав нь дэмжиж, бусад нь эсэргүүцсэн.

-Өмнөх шийдвэр хүчинтэй гэсэн үг үү?

-Ер нь бүрэн эрхийг нь түдгэлз үүлэхгүйгээр Ч.Сангарагчаа, Д.Сундуйсүрэн нарын асуудлыг шийдэх боломжтой гэсэн байр суурьтай байгаа.

 

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.