Өчигдөрөөс илүү маргаашийг
бүтээхийн төлөө

Ардчиллын хамтын нийгэмлэгийн орнуудыг Монгол Улс даргална

Ардчиллын хамтын нийгэмлэгийн орнуудын /АХНО/ Удирдах зөвлөлийн дарга Пол Грахам тэргүүтэй Азийн орнуудын иргэний нийгмийн зүтгэлтнийг УИХ дахь МАХН-ын бүлгийн ахлагч Д.Лүндээжанцан өчигдөр хүлээн авч уулзлаа. Манай Засгийн газар 2011 оны долдугаар сараас уг байгууллагыг даргалах юм байна. Тиймээс олон улсын хэмжээнд өндөр нэр хүнд бүхий энэ үүрэгт ажилд хэрхэн бэлтгэж, зохион байгуулах талаар ярилцжээ.

АХНО-дын Удирдах зөвлөлийн дарга Пол Грахам “100 гаруй улс орныг нэгтгэдэг АХНО-дын даргын үүргийг Монгол Улс гүйцэтгэх болсон нь ардчилсан хөгжлийн үлгэр жишээ загвар орон болсныг нотолж байна. Ардчиллыг цаашид төгөлдөржүүлэн хөгжүүлэхэд хамтран ажиллая” гэлээ.

Д.Лүндээжанцан Монгол Улс Ази тив дэх ардчиллын үлгэр жишээ орон гэдгийг онцолж, “АХНОдын даргын үүрэг хүлээлгэсэн нь бидэнд өндөр хариуцлага ногдуулж байгаа хэрэг гэж ойлгож байна. Хүний эрх, ардчиллын үнэт зүйлсийг хуульчилсан монголчуудын хувьд ардчилсан нийгмийн байгууламжуудын үйл ажиллагааг үр дүнтэй болгох, ядуурал, ажилгүйдлийг багасгах, ард түмний амьдралын түвшинг сайжруулах гээд урьдаас илүү их ажил хүлээж байна.

Монголын төр, засгийн болон иргэний байгууллагууд та бүхэнтэй хамтран иргэний ардчилсан нийгмийг төлөвшүүлэхийн төлөө бүхий л хүчин чармайлт гаргана” гэжээ.

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.