Өчигдөрөөс илүү маргаашийг
бүтээхийн төлөө

Ази, Европыг холбосон транзит тээврийн асуудлаар Европын холбоотой хамтран ажиллахаар болов

Бүгд Найрамдах Австри Улсад ажлын айлчлал хийж буй Ерөнхий сайд С.Батболд Европын аюулгүй байдал, хамтын ажиллагааны байгууллагын Ерөнхий нарийн бичгийн дарга Марк Перрин де Бришамботой уулзлаа.
Европын аюулгүй байдал, хамтын ажиллагааны байгууллага нь эдийн засгийн салбарт Ази, Европыг холбосон транзит тээврийн асуудалд ихээхэн анхаарч, Европт бараа бүтээгдэхүүнээ экспортлоход нэлээд бэрхшээлтэй тулгардаг Монгол Улсыг дэмжихээ илэрхийллээ. Ерөнхий сайд С.Батболд Ази, Европыг холбосон транзит тээврийг Монголоор дамжуулбал хамгийн дөт замын нэг болохыг дурдаж, энэ чиглэлээр Европын аюулгүй байдал, хамтын ажиллагааны байгууллагатай хамтран ажиллах хүсэлтэй байгаагаа хэлэв. Уг асуудлаар энэ оны тавдугаар сарын 24-26-нд БНЧУ-ын Прага хотноо болох Европын аюулгүй байдал, хамтын ажиллагааны байгууллагын Эдийн засаг, байгаль орчны чуулга уулзалтад Монгол улсаас төлөөлөгч оролцуулахаа мэдэгдлээ. Мөн Ази, Европыг холбосон транзит тээврийн асуудлыг ирэх онд Монгол Улсад болох Европын аюулгүй байдал, хамтын ажиллагааны байгууллага болон Азийн түнш орнуудын ээлжит бага хурлаар хэлэлцэх нэг гол сэдэв болгох саналыг дэвшүүлэв.
    Транзит тээврийг хөгжүүлэх чиглэлээр Европын аюулгүй байдал, хамтын ажиллагааны байгууллага, тус байгууллагын гишүүн болон түнш орнуудтай хамтран ажиллах нь далайд гарцгүй манай улсын хувьд Ази, Европын зах зээлийг холбох томоохон боломж бий болох юм гэж Засгийн газрын Хэвлэл мэдээллийн албанаас мэдээллээ.
 

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.