Өчигдөрөөс илүү маргаашийг
бүтээхийн төлөө

Л.МӨНХТҮШИГ: БНСУ-д нас барсан иргэн нутаг буцах хүсэлтээ өнгөрсөн арванхоёрдугаар сард гаргасан байсан

Гадаад харилцааны яамны Консулын газрын дарга Л.Мөнхтүшигээс нутагтаа буцаж чадалгүй БНСУ-д нас барсан иргэний талаар тодрууллаа.

– БНСУ-д 26 настай хүн нас барсан гэдэг мэдээлэл гарлаа. Энэ талаар тодруулах гэсэн юм. Ямар хариулалт өгөх бэ?

-Гадаадад манай улсын иргэн нас барсан тухай мэдээллийг бид авсан даруйдаа ар гэрт нь мэдэгдэх, шаардлагатай туслалцаа үзүүлэх ажлыг хийдэг. Тухайн иргэний ар гэрийн хүсэлт, хувь хүний нууцыг хүндлэх үүднээс олон нийтэд энэ төрлийн мэдээллийг гаргаад байдаггүй. Олон нийтийн сүлжээгээр гараад байгаа мэдээллийн хувьд хэлэхэд, БНСУ-ын Сөүл хотын Жунран дүүргийн Цагдаагийн газраас 1986 онд төрсөн Монгол улсын иргэн эрэгтэй нас барсан тухай мэдээллийг Монгол Улсаас БНСУ-д суугаа элчин сайдын яаманд өнөөдөр (2021 оны нэгдүгээр сарын 15-нд) албан ёсоор мэдэгдсэн. Элчин сайдын яамны зүгээс уг иргэний ар гэртэй холбоотой ажиллаж байгаа.

– Тухайн нас барсан иргэн нь өнөөдөр 19.00 цагт Улаанбаатарт газардах тусгай үүргийн онгоцонд нэр нь багтсан байсан юм уу?

– БНСУ-ын Сөүл хотод нас барсан иргэн нь өнөөдөр орой  19.00 цагт ирэх Сөүл-Улаанбаатар чиглэлийн тусгай нислэгт нэр нь багтаж тус онгоцоор ирэх байсан гэх мэдээлэл олон нийтийн сүлжээ, зарим хэвлэл мэдээллийн хэрэгслээр цацагдсан ташаа мэдээлэл болохыг албан ёсоор хэлье.

– Тухайн иргэн нь БНСУ-аас Монголруу буцах хүсэлтээ гаргасан байсан уу. Хүсэлтээ гаргаад жил болж байгаа иргэн мөн үү?

– БНСУ-аас нутаг буцах хүсэлтэй 4843 иргэн БНСУ-д суугаа Элчин сайдын яаманд хандан өргөдлөө гаргаад байгаа болно. Нас барсан иргэний хувьд нутаг буцах хүсэлтээ өнгөрсөн оны арванхоёрдугаар сард гаргасан байсан.

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

2 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.

2 thoughts on “Л.МӨНХТҮШИГ: БНСУ-д нас барсан иргэн нутаг буцах хүсэлтээ өнгөрсөн арванхоёрдугаар сард гаргасан байсан

  • Avatar Kji says:

    Ert awsan bol ene xvv gertee aaw eej dvv nartaigaa saixan baixsan shvv dee xydalaa koronoo gej svjirch bgaad xvni nytagt xvv ami tawilaa shvv dee gertee xarxiig mash ix xvsej baisan baix tyn xaramsaltai

  • Avatar Anonymous says:

    1986 ond tursun hun 35 nastai baimaar yum