Д.Сумъяа хэсгийн аварга боллоо

Унгарын нийслэл Будапешт хотноо гурав дахь өдрөө үргэлжилж буй жүдо бөхийн ДАШТ-д өнөөдөр манай гурван жүдоч барилдана. Эрэгтэйчүүдийн 73 кг-д Г.Одбаяр, эмэгтэйчүүдийн 57 кг-д Д.Сумъяа, Л.Энхрийлэн нар зодоглох юм. 

Манай улсын шилдэг жүдоч, олимпын мөнгөн медальт Доржсүрэнгийн Сумъяа 57 кг жинг чансаагаар тэргүүлсэн. Манай жүдоч эхний тойрогт хийлж, Францын Присцилла Ньетог торгуулиар ялсан. Лондоны олимпын хүрэлтэй франц бүсгүй хориотой мэх хийж, манай тамирчны гарыг хөшсөнөөр шүүгч хасах шийдвэр гаргасан юм. Үүний дараа Хонконгийн По Сүм Леүнгийг үүрч шидэж, иппон үнэлгээгээр илүүрхэв.

Ийнхүү Д.Сумъяа хэсгийн аваргын төлөө БНСУ-ын Юү Жеон Вонтой хүч үзлээ. Хоёр бөхийн барилдаан төгсгөлд шийдэгдэж, манай тамирчин барилдаан дуусахаас 10 секундын өмнө вазари үнэлгээ салгасан юм. Улмаар даралтад оруулж, хэвтээгээс барилдааныг үргэлжлүүлсээр цаг дуусгав.

Манай жүдоч Панамын тамирчин Мирьям Ропертой хагас шигшээд барилдах боллоо.

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (1)

Илгээх

Энэ тухай