Бокс 2017: Бямбын Түвшинбат хоёр дахь ялалтаа байгууллаа

Германы Хамбург хотод эхэлсэн боксын ДАШТ-д манай дөрвөн тулаанч оролцож буй. 60 кг-д тулалдсан олимпын хүрэл медальт Доржнямбуугийн Отгондалай Израилийн Павел Ишченкотой тулалдсан юм. Харин 69 кг-д Бямбын Түвшинбат хоёр дахь тулаанаа хийлээ. 

Манай боксчин Азербайжаны Парвиз Багхировтой тулалдав. Азербайжан эр эхний тойрогт хийлсэн бол манай боксчин эхний тойрогт Польшийн Дамиан Кивиорыг 5:1-ээр буулган авсан юм.

Түүний өрсөлдөгч дэлхийд чансаагаар тавдугаарт бичигддэг аж. Эхний үед манай боксчин илүү тоглож, хүчтэй цохилтоор өрсөлдөгчөө сандаргаж байв. Хоёрдугаар үед ч санаачлагыг гартаа авч, ихэнх цохилтоо оновчтой болгосон юм. Гуравдугаар үед манай тамирчин идэвх санаачлагаа алдалгүй, зогсоо зайгүй довтолж байлаа. Ингээд эцсийн дүн гарахад Бямбын Түвшинбат өрсөлдөгчөө 4:1-ээр буулган авч, шөвгийн наймд шалгарлаа.

 

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (1)

Илгээх

Энэ тухай