“НААДАМ-2017”: Д.Баттулга түрүүлж, улсын мэргэн цол хүртлээ

Тулгар төр байгуулсны 2226, Их Монгол Улсын 811, Ардын хувьсгалын 96 жилийн ойн улсын наадам урианхай сурын харваагаар өнөөдөр эхэллээ. Энэ жил 172 (мэргэн 12, хүндэт мэргэн дөрөв, спортын мастер 47, спортын дэд мастер 17, залуу харваач 95) харваач цэц сорив. Зөвхөн эрэгтэйчүүдийн ангилалд болдог уламжлалтай урианхай сурын  харваанд Баян-Өлгий аймгийн Булган сумын харьяат, Төв аймгийн “Зуун мэргэн” холбооны харваач, спортын мастер Дүгэржавын Баттулга 25 оноогоор түрүүлж, улсын мэргэн цолны болзол хангалаа.

Ховд аймгийн Дуут сумын харьяат, спортын мастер Шийлэгийн Батмөнх мөнгө, Баян-Өлгий аймгийн Алтанцөгц сумын харьяат, “Алдар” спорт хорооны харваач, улсын хошой мэргэн Дамбын Мөнхгэрэл хүрэл медаль хүртлээ. Харин дөрөвдүгээрт байрт Баян-Өлгий аймгийн Буянт сумын харьяат, спортын мастер Хөхийн Бямбажав шалгарсан бол удаах байрт мөн Баян-Өлгий аймгийн Буянт сумын харьяат Жимбээгийн Батсүх орж, дэд мастер цол хүртлээ. Сонирхуулахад, тус тэмцээнд өнгөрсөн жил Говь-Алтай аймаг Дарви сумын харьяат, “Алдар” спорт хорооны харваач Ж.Энхбат 25 оноогоор түрүүлсэн юм.

ФОТО: Б.МӨНХ-ЭРДЭНЭ

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (3)

Илгээх

Энэ тухай