Боулингийн “Big bowling friendship 2017” нэгдүгээр тойрог өндөрлөв

Боулингийн “Big bowling friendship 2017” үндэсний лигийн тэмцээний шигшээ тоглолтын нэгдүгээр тойргийн багийн аваргууд өчигдөр тодорлоо. Хоёр сар гаруй үргэлжилсэн тус тэмцээнд өндөр оноо цуглуулж шалгарсан 12 баг 3 хэсэгт хуваагдаж, хэсэг тус бүрээс хоёр баг үлдэж халз тоглосоор хасагдах журмаар аваргаа тодруулсан юм.

Өмнөх 4 шатны тэмцээнд нэг ч удаа медаль хүртэж байгаагүй Ж.Содномдорж ахлагчтай Д.Амьбөх, Т.Цэцэгсүрэн нарын баг энэ удаа огцом амжилт гаргаж аваргын цомыг өргөв. Харин урьд нь алт, мөнгөн медаль хүртэж байсан Д.Нацагдорж ахлагчтай Б.Оюунболд, Б.Оргилмаа нарын баг амжилтаа бататгаж мөнгөн медалийн эзэд боллоо. Хүрэл медалийг мөн адил өмнөх тэмцээнүүдэд медалийн оосроос атгаж байгаагүй Ц.Молор ахлагчтай Т.Долгормаа, З.Амаржаргал нарын баг авсан билээ.

Ийнхүү “Big bowling friendship 2017” тэмцээний нэгдүгээр тойрог өндөрлөсөн бөгөөд тамирчид маань зун завсарлаад ирэх есдүгээр сард хоёрдугаар тойргийн тоглолтоороо эргэн уулзана.

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай