“Холбооны цом-2017”-ын аварга шалгаруулах тэмцээн 4-р сарын 8-нд болно

Боулинг сонирхогчдын хамгийн том тэмцээн болох “Холбооны цом”-ын аварга шалгаруулах тэмцээн удахгүй болох гэж байна. “Монголын боулинг сонирхогчдын холбоо”, “Big Bowling” клубтэй хамтран 2010 оноос хойш жил бүр уламжлал болгон зохион байгуулж байгаа тус тэмцээн энэ сарын 8-ны 10.00 цагт “Big Bowling” төвд эхэлнэ. Тэмцээнд “City Cup-2016” тэмцээний шилдэг 8 баг, “Coca Cola Zero-2016” тэмцээний шилдэг 8 баг буюу нийт 16 ШИЛДЭГИЙН ШИЛДЭГ баг оролцоно. 
Тэмцээний түүхэнд нэг ч хошой аварга баг төрөөгүй нь “Холбооны цом”-ын аварга шалгаруулах тэмцээнийг чансаа өндөр, ширүүн өрсөлдөөнтэй явагддагийг харуулж байна.
Багууд урьдчилсан шатанд 4 тоглолт хийж, нийлбэр дүнгээр өндөр оноо авсан 8 багийг шалгаруулж 1-ээр гарсан баг нь 8-аар гарсан багтай халз тоглох зарчмаар аваргаа тодруулна. Мөн хамгийн өндөр оноо авсан шилдэг тамирчинг /эрэгтэй, эмэгтэй/ шалгаруулна. 
Энэ жилийн тэмцээнд “City Cup-2016” тэмцээний шилдэг 8 баг болох Мобиком, Багануур, ТЭЦ-III, Петровис, DGH электроникс, Бимекс тех, Электрон дартс, Их Британий ЭСЯ-ны багууд хүч үзнэ. Мөн “Coca Cola Zero Bowling Championship-2016” тэмцээний шилдэг 8 багийн тоонд багтсан УБЦТС, ITZone, СЭЗИСургууль, Монголын Дартс сонирхогчдын холбоо, Монголын Спортын сэтгүүлчдийн холбоо, Монголын шатрын холбоо, Монголын гольфийн холбоо, Юнител группын багууд өрсөлдөнө.

2010 онд болсон “Холбооны цом”-ын анхны аваргаар А.Эрдэнэтөгс ахлагчтай Топфлоор мишээл-2 баг тодорч байлаа.

2014 оны аваргаар Н.Агар ахлагчтай “Ажигана хунчир” хэмээх шинэхэн баг, 2015 онд боулинг сонирхогчдын хувьд үргэлжийн хүчтэй өрсөлдөгч байсаар ирсэн Ц.Лхаасүрэн ахлагчтай “Биг-энтертайнмент” баг шалгарч байв. Өнгөрсөн жилийн хувьд “Холбооны цом”-ын аваргаар тус тэмцээнд 6 удаа оролцсон Д.Амьбөх ахлагчтай Санхүү Эдийн Засгийн Их Сургуулийн баг тодорсон. Харин шилдэг тоглогчоор 259 оноогоор Ц.Лхаасүрэн шалгарсан нь тэмцээний түүхэн дэх хамгийн өндөр оноо авсан тамирчин болсон юм. 
8 дахь жилдээ зохиогдох гэж буй боулинг сонирхогчдын хүсэн хүлээдэг тэмцээн болж чадсан бөгөөд “Холбооны цом”-ын төлөө өнгөрсөн хугацаанд давхардсан тоогоор 3000 гаруй тамирчин өрсөлдөж байлаа.

Э.Харцага Э.Харцага Э.Харцага Э.Харцага Э.Харцага Э.Харцага

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай