Төрийн албаны шалгалтад бэлтгэх гарын авлага шинээр хэвлэгдлээ

Төрийн албаны шалгалтад бэлтгэх гарын авлага шинээр хэвлэгдлээ

Төрийн албаны удирдах болон гүйцэтгэх албан тушаалд өрсөлдүүлэн шалгаруулах төрийн албаны шалгалт, сонгон шалгаруулалтад бэлтгэж байгаа иргэдэд зориулсан "цэнхэр ном"-ыг 2017 онд “Төрийн албаны мэргэшлийн шалгалт, сонгон шалгаруулалтад бэлтгэх гарын авлага" нэртэйгээр шинэчлэн гаргав. 

Гарын авлагад ерөнхий мэдлэгийн, хууль эрх зүйн, монгол хэл, монгол бичгийн 2600 гаруй сорил багтжээ. 

Шалгалт өгөхөөр бэлдэж буй иргэд уг гарын авлагаас төрийн албаны шалгалтын дүрэм журамтай танилцаж, хууль, тогтоомжийн талаарх мэдлэгээ сорих, эрх зүйн мэдлэгээ дээшлүүлэх ач холбогдолтой юм. 

Түүнчлэн "Монгол хэлний тухай хууль"-ийг 2015 оны 7 дугаар сарын 1-нээс мөрдөж эхэлсэнтэй холбогдуулан төрийн албанд орох иргэдээс монгол бичгийн шалгалт авах бөгөөд шинээр хэвлэгдэн гарч байгаа гарын авлагад Монгол бичгийн  700 гаруй сорил багтжээ. 

“Төрийн албаны мэргэшлийн шалгалт, сонгон шалгаруулалтад бэлтгэх гарын авлага" номыг зөвхөн Засгийн газрын XI байрны I давхарт  байрлах Номын худалдаагаар борлуулж байна. 

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (2)

Илгээх

Энэ тухай