Улсын болон орон нутгийн чанартай авто замуудад хяналт, шалгалт үргэлжилж байна

Улсын болон орон нутгийн чанартай авто замуудад хяналт, шалгалт үргэлжилж байна

Сар шинийн баярын өдрүүдэд Улаанбаатар хотоос гадагш буюу орон нутаг руу зорчих иргэд, тээврийн хэрэгслийн хөдөлгөөн эрс нэмэгддэг.

Энэ үед орон нутаг дах Замын цагдаагийн тасаг, хэсгээс улсын болон орон нутгийн чанартай хатуу хучилттай авто замуудад хөдөлгөөнт эргүүл, пост ажиллуулж хурд хэмжих, согтуугаар тээврийн хэрэгсэл жолоодох явдлыг таслан зогсоох, хамгаалах бүсний хэрэглээн дээр тавих хяналтыг сайжруулах, замын хөдөлгөөнд оролцож байгаа тээврийн хэрэгслийн техникийн бүрэн бүтэн байдалд тавих хяналтуудыг эрчимжүүлэн өндөржүүлсэн бэлэн байдалд, бүрэн бүрэлдэхүүнээрээ ажиллаж байна.

Иймд хөдөө орон нутгийг зорих гэж буй жолооч, зорчигч та найдвартай, албан ёсны гэрээтэй тээврийн хэрэгслээр зорчиж, өөрийн болон бусдын аюулгүй байдлыг ханган тухайн замын нөхцөлд хурдаа зөв тохируулан, зөвшөөрөгдсөн хурдны дээд хэмжээг хэтрүүлэхгүй байх, хамгаалах бүсийг тогтмол хэрэглэж хэвших, цаг агаарын мэдээг сайтар сонсохыг зөвлөж байна.

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай