"Хасу кап-2017" шинэ аваргууд мэндэллээ

Манай улсад волейболын спорт үүсэж хөгжсөний 90, Монголын волейболын холбооны 60 жилийн ойд зориулсан клубүүдийн аварга шалгаруулах “Хасу кап-2017” тэмцээн “Эко” спорт цогцолборт зургаан өдрийн турш үргэлжилж, өчигдөр өндөрлөлөө. Тус тэмцээнд эрэгтэй ес, эмэгтэй таван багийн волейболчид ур чадвараа сорин өрсөлдөв.

Эрэгтэйчүүдийн ангилалд Э.Сайханбаатар ахлагчтай “Тэнүүн-Огоо” баг тэргүүлж, А.Даваажаргал ахлагчтай “Мегастарс”, Э.Сайнбилэг ахлагчтай “Эрчим” баг удаалав. Тэгвэл эмэгтэйчүүдийнхэд Д.Үнэнтуяа ахлагчтай “Алтайн барс”-ынхан аварга болж, Б.Энхзаяа ахлагчтай “Энагура”, Э.Энхсайхан ахлагчтай “Тэнүүн-Огоо” баг медальт байрт шалгарав.

Шилдэг тамирчнаар эрэгтэйчүүдээс олон улсын хэмжээний мастер Э.Сайханбаатар, эмэгтэйчүүдээс спортын дэд мастер Д.Үнэнтуяа нар шалгарч, өнгөт зурагтаар шагнуулав.

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай