Баянхонгор аймгийн Нэгдсэн эмнэлэгийн цусны салбар станц шинэ тоног төхөөрөмжтэй боллоо

Баянхонгор аймгийн Нэгдсэн эмнэлэгийн цусны салбар станц шинэ тоног төхөөрөмжтэй боллоо

Эрүүл мэндийн хөгжил хөтөлбөр - 5 төслийн хүрээнд Баянхонгор аймгийн Нэгдсэн эмнэлэгийн цусны салбар станцад шинээр тоног төхөөрөмжүүд суурилуулжээ.

Тус суурилуулсан аппаратын нээлтийн арга хэмжээнд ЭМЯ-ын төрийн нарийн бичгийн дарга Д.Очирбат, МАН-ын Ерөнхий нарийн бичгийн дарга Д.Амарбаясгалан, УИХ-ын гишүүн Г.Занданшатар, аймгийн ИТХ-ын дарга Ц.Отгонбаяр зэрэг албаны хүмүүс оролцлоо.

Шинээр суурилуулсан тоног төхөөрөмжид +2 - +6 хэмд цус хадгалах цусны хөргөгч, цус, цусан бүтээгдэхүүн үйлдвэрлэх тусгай хөргүүртэй аппарат, -80 хэмд сийвэн хөлдөөх хөлдөөгч, бусад дагалдах хэрэгсэлүүд багтаж байгаа ба нийт 361 сая төгрөгний үнэ бүхий аппаратууд ажээ. Нэгдсэн Эмнэлгийн Цусны салбар төвийн хувьд цус, цусан бүтээгдэхүүнээ 6 сар хүртэл хадгалдаг байсан бол эдгээр аппаратууд ирсэнээрээ 3 жил хүртэл хугацаанд ЦЦБ-ийг хадгалах зэрэг нөхцөлүүд бүрдэж, өвчтөнд хийх цусан бүтээгдэхүүний хадгалалт хамгаалалт сайжирч байгаа юм байна.

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (1)

Илгээх

Энэ тухай