Зөвлөлдөх санал асуулгын хуульд иргэд ам сайтай байна

Зөвлөлдөх санал асуулгын хуульд иргэд ам сайтай байна

Өнгөрсөн баасан гарагт хаалтаа хийсэн УИХ-ын намрын чуулганаар Зөвлөлдөх санал асуулгын тухай хууль батлагдлаа. Энэ хууль нь төрийн шийдвэр боловсруулах, хэлэлцэх, батлах, хэрэгжилтийг нь хянах бүхий л үйл ажиллагаанд иргэдийг оролцуулж, тэдний үзэл бодлоо илэрхийлэх, шийдвэрт саналаа шууд тусгах боломжийг бүрдүүлэх нь ардчиллын суурь зарчмыг бэхжүүлэх үндсэн нөхцөл болохыг Улсын Их Хурлын гишүүн Г.Занданшатар  өргөн бариад байсан хуулийн төсөл юм. Хууль, шийдвэр батлахдаа нийгмийн амьдралын тулгамдсан асуудлыг иргэдийн зөвлөлдөх санал асуулгаар тодруулах, улмаар түүнийг шийдвэрлэх шийдлийн талаар иргэдтэй зөвлөлдөх механизмыг шинээр бий болгосноор баталсан хууль, шийдвэр иргэдийн дэмжлэгийг авах, бодитой хэрэгжих үндсэн нөхцөлийг бүрдүүлнэ хэмээн төсөл санаачлагчид үзэж байсныг УИХ гишүүд санал нэгтэйгээр баталсан нь энэ юм.

2017 оны нэгдүгээр сарын 01-ний өдрөөс хэрэгжих Хууль тогтоомжийн тухай хуулийн 4 дүгээр зүйлийн 4.1.2, 4.1.3-т заасан олон нийтийн оролцоог хангах, ашиг сонирхлын зөрчлөөс ангид байх зарчим, түүнчлэн Монгол Улсын Үндсэн хуульд нэмэлт, өөрчлөлт оруулах журмын тухай хуулийн 5 дугаар зүйлийн 5.1.2, 5.1.3-т заасан ард түмний бүрэн эрхт байдал, оролцоог хангах, бодитой, ил тод байх, 5.3.1, 5.3.2-т заасны дагуу оролцоог хангах эрх зүйн арга ажиллагааг зөвлөлдөх ардчиллын зарчмаар хэрэгжүүлэх механизмыг шинээр бий болгох шаардлага тулгарч байгаа тул Зөвлөлдөх санал асуулгын тухай хуулийн төслийг  3 бүлэг, 15 зүйлтэйгээр  боловсруулсан.

Уг хуулийн төслийн талаар Г.Занданшатар гишүүний олон нийтэд МҮОНТВ-ээр хийсэн мэдээлэл

 

 

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (1)

Илгээх

Энэ тухай