УАШТ-2017: П.Орхон жин өгсөж, 63 кг-д зодоглож байна

Чөлөөт бөхийн насанд хүрэгчдийн УАШТ "Буянт Ухаа" спорт цогцолборт өнөөдөр эхэллээ.

Эрэгтэйчүүдийн 39, эмэгтэйчүүдийн 15 дахь удаагийн тус тэмцээнд 23 байгууллагын 280 гаруй тамирчин оролцож байна.

Өнгөрсөн жилийн УАШТ-д 58 кг-д аваргалж, И.Ярыгины нэрэмжит Алтан гран при тэмцээнд алдарт Каори Ичог ялсан ОУХМ Пүрэвдоржийн Орхон жин өгсөн, 63 кг-д хүч үзэж байна.

Энэ жингийн босоо аварга, олимпийн хүрэл медальт, дэлхийн хошой аварга С.Батцэцэг, П.Орхон хоёрын өрсөлдөөн спорт сонирхогчдын анхаарлыг гойд их татаж байна.

Эрэгтэйчүүдийн 97 кг-д Д.Хүдэрбулга, эмэгтэйчүүдийн 75 кг-д Монгол Улсын гавьяат тамирчин Очирбатын Бурмаа, олон улсын хэмжээний мастер Гэлэгжамцын Наранчимэг, 69 кг-д Монгол Улсын гавьяат тамирчин Очирбатын Насанбурмаа нар энэ жилийн УАШТ-ийг өнжлөө.

Харин ДАШТ-ий мөнгөн медальт П.Өнөрбат жин өгсөж, 86 кг-д барилдаж байна. 

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай