Оны тэргүүний залуу эмч шалгаруулна

Оны тэргүүний залуу эмч шалгаруулна

Эрүүл мэндийн салбарын хөгжилд хувь нэмрээ оруулж, хүн ардынхаа  эрүүл мэндийг сахин хамгаалах үйлсэд үр бүтээлтэй ажиллаж онцгой амжилт гаргаж байгаа эмч нарын хөдөлмөрийн үнэлэмжийг дээшлүүлэх зорилгоор Монголын Залуучуудын Холбооноос “Тэргүүний залуу эмч” цол тэмдэгийг санаачлан бий  болгосон юм.

Тус салбарт өөрийн эрдэм мэдлэг, ур чадвараа дайчлан  эрүүлийг хамгаалах үйлсэд цаг наргүй зүтгэн ард иргэдийнхээ дунд алтан гартай эмч хэмээн хүндлэгддэг эмч нараа алдаршуулан Монголын Залуучуудын Холбооны нэрэмжит “Тэргүүний залуу эмч” цол тэмдэг, өргөмжлөлийг олгоно.

Шагналд нэр дэвшигч нь  өнгөрөгч онд хийсэн ажлуудын жагсаалт, байгууллагын удирдлагын зөвлөл болон байгууллагаас тодорхойлсон тогтоол, шийдвэр, хамт олны хурлын албан тэмдэглэл, эмнэлгийн мэргэжилтний ёс зүйн салбар хорооны санал, ажил байдлын тодорхойлолт, онцгой амжилт гаргасан бол түүнийг гэрчлэх баримт бичиг, шийдвэрийн хуулбар, бүтээлийн жагсаалт зэргийг 12 сарын 02-ны дотор Монголын залуучуудын холбоонд хүргүүлэх юм байна.

 

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай