Монголын балетчид "А" зэрэглэлийн тэмцээнээс зургаан шагнал хүртлээ

Дуурь бүжгийн эрдмийн театрын бүжигчид БНСУ-д болж байгаа олон улсын балетын "А" зэрэглэлийн уралдаанд амжилттай оролцлоо. Ес дэх удаагийн эл наадам өнөөдөр өндөрлөж, ДБЭТ-ын гоцлооч О.Ганцоож гурван тусгай шагнал, О.Анужин хүрэл цом, тусгай шагнал, залуу бүжигчин О.Хатанбаатар дипломын шагнал хүртлээ.

ДБЭТ-ын гоцлооч О.Ганцоож эрэгтэй бүжигчдийн хувьд хамгийн хэцүүд тооцогддог хоёр ч трюкийг маш сайн хийсэн байна. Түүний агаарт гурван удаа эргэсэн үзүүлбэрийг шүүгч нар өндрөөр үнэлжээ.Түүний хүртсэн гурван тусгай шагналын нэг нь БНСУ-ын балетын холбооных юм. Энэ нь тус тэмцээнд оролцогчдын авахыг хүсдэг хамгийн том шагналын нэг юм.

Дэлхий 20 гаруй орны бүжигчид авьяас сорьсон энэ уралдаанд манай театрын найман бүжигчин амжилттай оролцсон бөгөөд тэдэнтэй хамт Соёлын тэргүүний ажилтан, АНУ-ын Вашингтоны Киров балетын академийн багш У.Бат-Эрдэнэ яваа юм билээ. 

 

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (2)

Илгээх

Энэ тухай