Асадад Орос туслаад байвал шахалт үзүүлж болзошгүй

Орос улс Сирийн Ерөнхийлөгч Ба­­шар Асадад дэмжлэг үзүүлсээр байвал олон ул­сын зүгээс түүнд шахалт үзүүлж бол­­­зош­гүй гэж Цагаан ордны хэвлэлийн на­­­­­рийн бич­гийн дарга Жошуа Эрнест мэдэгд­сэ­­нийг өчигдөр ТАСС уламжлав. “Ис­ла­мын улс”-ын эсрэг тулалдаж буй олон ул­­сын эвсэлд Орос нэгдэхгүй бол түү­нийг илүүтэй “гадуурхах” болно гэж тэр­бээр хэлсэн байна.

Асадыг дэмжсэнээ­рээ Орос улс алан хядах ажиллагааг эсэр­­гүү­цэгч эвслийн үйл ажиллагаанд үл ний­цэх үйл­­­дэл хийж буй аж. Гэхдээ Сири дэх Оросын эрх ашиг дэлхийн бу­сад ул­суудын ашиг сонирхлын эсрэг бүхэл­дээ чиглээгүй бөгөөд “Исламын улс”-ын эс­рэг явуулж буй тэмцэл амжилтанд хүрээ­сэй хэмээн Москва ч хүсэж буйд эргэлзэх­гүй байгаагаа Эрнест бас илэрхийл­­жээ. Орос улс “Исламын улс”-ын эсрэг цэр­­гийн ажиллагаанд оролцуулахаар байл­даа­­­ны нисэх хүчин, нисдэг тэрэгнүүд, агаа­­­­раас эсэр­гүүцэн хамгаалах анги сал­баруу­­даа Сирийн нийслэлийн районд бай­гаа буу­дал руу явуулж байна гэж дипломат эх сурвалжид түшиглэн Израилийн хэв­лэлүүд өнгөрсөн сарын 31-нд тэмдэглэ­сэн байна.

Алан хядах үйл ажиллагааны эсрэг хийж буй тэмцэлд нь Сирид тусалж, Аса­­дад дэмжлэг үзүүлж буйгаа ОХУ-ын Га­даад хэргийн яам нэг бус удаа мэдээлж бай­­сан юм. Сири дэх иргэний дайн 2011 оноос үр­гэл­жилж, 230 гаруй мянган хүний амь үрэг­­дэж, хүн амынх нь тэн хагас буюу 11.5 сая хүн орон гэрээ орхин дайжаад бай­­гаа. Сирийн босогчид нь Ерөнхийлөгч Асады­гаа унагахын төлөө тэмцдэг.

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай