Дүрвэгчдэд герман хэл сургахад зориулж Япон хандив өгөв

Европ руу дүрвэгчид цувж байгаа нь Ойрхи Дорнод дахь дайнтай холбоотой бус, арай дөн­гүүр амьдрал хайснаас үүдэл­тэй гэж Унгарын Ерөнхий сайд Виктор Орбан өнгөрсөн бямба гаригт мэдэгдэв. Түүний онцолс­ноор бол сайн сайхан амьдрах суурь эрх гэж байхгүй, харин аюул­гүй байдлаа хамгаалах, хү­ний нэр төрөө сахих эрх л гэж бай­даг аж. Тийм учраас ирсэн за­маараа буцахыг дүрвэгсдэд тэр­бээр зөвлөсөн байна.

Унгарын хилийн Роске тос­гоны ойролцоо энэ сарын 12-нд дүрвэгчид хийгээд цагдаа нарын хооронд мөргөлдөөн болжээ. Ийм явдал ганц удаа тохиолдож буй юм биш, энэ сарын 8-нд Сер­бийн хилийн Субботица хотоор дамжин орж ирсэн дүрвэгчид Ун­гарт үлдэлгүй Герман руу явах зорилготой байсан тул түр байр­луулах лагерь руу явахаас татгалзсаны улмаас цагдаа на­рын бүслэлтийг сэтлэн 180 км хол байх Будапешт хот руу явга­наар хөдөлсөн юм. Хууль бу­саар дүр­вэж ирэгсдийн эсрэг арга хэм­жээг Унгарын зэвсэгт хү­чин “Шийд­мэг үйлдэл” нэрийн дор бо­ловс­руулж буйг энэ сарын 10-нд мэдээллээ. Түүнээс гадна хи­лийн нутгуудад тавих хяналтыг хүчтэй болгох асуудлыг Парламент нь хэлэлцэж буй аж.

Урьдчилан таамаглаж буй­гаар ойрын хоёр жилд өмнө зүгээс Европ руу наад зах нь 850 мянган дүр­вэгч ирэх бөгөөд тэдний олонх нь Германд суурьших тө­лөв­тэй гэнэ. Японы эзэн хааны дүүгийн ивээлд байдаг Урлагийн холбоо дүрвэгсдэд герман хэл зааж буй Гётен хүрээлэнд 100 сая иен (800 мянга гаруй доллар) хан­дивлажээ. Соёлын салбарт Нобе­лийн шагналтай дүйцүүл­дэг, урлагийг хөгжүүлэх, дэлгэрүү­лэх үйлсэд оруулсан хувь нэм­рийг үнэлж олгодог Японы эзэн хааны шагналд нэр дэвшигч­дийг зарласантай холбогдуулж энэ хөрөнгийг хуваарилж буй юм байна. Уг шагналыг энэ онд Гер­маны барималч Вольфганг Лайб, Францын бүжигчин Сильви Гил­лем, Францын уран барилгач Доми­ник Перро, Британийн тө­гөл­дөр хуурч, япон гаралтай Ми­цуко Утида, Японы зураач Та­данори Ёко нар хүртсэн аж. 

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай