Баян-Өлгийд тарваган тахлын байгалийн голомт идэвхжив

Зоонозын өвчин судлалын үндэсний төв, Баян-Өлгий аймгийн ЗӨСТ, ОХУ-ын Эрхүү хотын Сибирь, Алс Дорнодын тарваган тахал эсэргүүцэн судлах эрдэм шинжилгээний хүрээлэн, Уулын-Алтайн тарваган тахал эсэргүүцэн судлах станцын мэргэжилтнүүдээс бүрдсэн баг хамтран Монгол орон дахь тарваган тахал өвчний талаар судалгаа хийжээ. Тодруулбал, Баян-Өлгий аймгийн Улаанхус, Цагааннуур, Ногооннуур сумын хил орчмын нутагт тарваган тахлын байгалийн голомтын тандалт судалгаа хийсэн байна.

Тандалт судалгаанд 104 өрхийг хамруулж, 565 сорьц цуглуулан лабораторийн шинжилгээнд оруулснаас 156-д нь эерэг хариу гарчээ. Тэдгээр эерэг сорьцонд нян судлалын шинжилгээ хийхэд дээрх сумдын нутагт тарваган тахлын байгалийн голомтын идэвх, эрчим нэмэгдсэн, тархвар судлалын өндөр эрсдэл үүсэх магадлалтайг тогтоосон байна.


Бэлтгэсэн Ч.Болор

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай