Хэт хүйтэн ундаа, хөлдөөсөн зайрмаг идэж болохгүй

Зуны улиралд нарны хүчтэй тусгал их байгаа үед буюу хэт халуун бөгчим өдрүүдэд нарнаас хамгаалах малгай, шүхэр хэрэглэлгүй удаан хугацаагаар гадаа байснаас бие хямарч, хордлогын шинж тэмдэг илэрдэг. Иймд зуны халуун улиралд наршилтаас сэргийлэх хэрэгтэй.

Урьдчилан сэргийлэлт:

  • Онцын ажилгүй бол гадуур явахгүй байх /наранд аль болох бага явах/
  • Нарны шил, малгай зэргийг тогтмол хэрэглэх.
  • Гар, хөл, хүзүү зэргээ наранд ил гаргах хэрэггүй. Учир нь зөвхөн толгойноосоо халснаар наршдаггүй. Нарны тусгалыг шууд хүлээж авч байгаа биеийн бусад хэсгүүдээр ч наршиж болно. Тиймээс хэт халуунд майк, богино ханцуйтай цамц өмсөх биш урт ханцуйтай нимгэн цамц өмсөх нь зүйтэй.
  • Наранд удаан хугацаанд байх шаардлага гарвал аль болох битүү хувцас өмсөөд толгойгоо ойр ойрхон норгох юм уу нойтон алчуур, малгай хэрэглэх.
  • Нярай хүүхдийг гадаа байлгахдаа сүүдрэвчинд мөн чийглэг сэрүүн нөхцөл бүрдүүлэх.
  • Элсэн шарлага, массаж хийхдээ хэт халах үеийн нарнаас өмнө /9.00-11.00 цаг/, нойтон малгайтай байлгах /үдээс хойш 16.00 цагаас хойш/
  • Шингэнийг аль болох олон хэлбэрээр /буцалсан, ширгээсэн ус, хөргөсөн цай, жимсний шүүс, хярам/ ойр ойрхон уух.
  • Хэт хөлдөөсөн зайрмаг, мөс тэс хүйтэн усыг уух нь наршсан үед огтхон ч тус болохгүй бөгөөд харин ч эсрэгээрээ хоолой өвдөх нөхцөл бүрдүүлдэг тул эцэг, эхчүүд үүнд анхаарах хэрэгтэй.

Илрэх шинж тэмдэг:

  1. Нууц үе 30 минутаас 18 цаг
  2. Дотор бачуурч нозоорох
  3. Огиудос хүрэх, бөөлжих
  4. Суулгах
  5. Бага зэрэг халуурах
  6. Ходоод, гэдэсний хэвийн ажиллагаа хямардаг.
  7. Нүд харанхуйлж, манарах

Авах арга хэмжээ: 

  • Дээрх шинж тэмдэг илэрвэл эмчид яаралтай хандаж үзүүлж, зөвлөгөө авах.
  • Буцалсан усыг хөргөөж задгай саванд хийж наранд халаагаад уг усаа уух буюу толгой биеийг угааж шавших.
  • Зөв тохирсон шингэнийг насны онцлогт тохируулан аль болох ойрхон олон удаа хэрэглэх.
  • Нарнаас хамгаалж гэртээ чийгтэй сэрүүн орчныг бүрдүүлэх.
  • Мөн хүйтэн жин тавьж халуунаа бууруулаарай /толгой, шилэн хүзүү г.м/
  • Хоол унд хорихгүй учраас шим тэжээлтэй хоол идэх нь зүйтэй.

Хэн үүнд өртөх вэ?

  1. Бүх насны хүмүүс өртөх боломжтой.
  2. Бага насны хүүхэд, артерийн даралт ихэсдэг, зүрх судасны эмгэгтэй болон хууч өвчтэй, өндөр настай хүмүүс илүү өртөх эрсдэлтэй.

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай