ФОТО: “Монгол төрийн сахиусны өргөө” түүхэн гэрэл зургуудыг дэлгэлээ

Чойжин ламын сүм байгуулагдсаны 110 жилийн ойг тохиолдуулан зохион байгуулж буй “Монгол төрийн сахиусны өргөө” түүхэн гэрэл зургийн үзэсгэлэнг өнөөдөр “Nophei Art” галерейд нээлээ.

Үзэсгэлэнд 1904 оноос хойших түүхийг өгүүлэх 50 бүтээлийг дэлгэжээ.

Мөн тус үзэсгэлэн нь хутагт Д.Лувсанхайдав, түүний сүм музейн үүх түүхийг өгүүлээд зогсохгүй XX зууны эхэн үеэс өнөөг хүртэлх Нийслэл Хүрээ, Улаанбаатар хотын төв хэсгийн төрх байдал, барилгажилт, хүмүүсийн амьдралын хэв маяг, тэдгээрт гарсан өөрчлөлт, түүх, соёлын дурсгалт зүйлд төр засаг, аж ахуйн байгууллагууд болон иргэд хэрхэн хандсан болон хандаж буйг илэрхийлснээрээ үнэ цэнэтэй гэдгийг үзэсгэлэнг зохион байгуулагчид хэлж байна.

Тус үзэсгэлэн нь энэ сарын 30-ныг хүртэл гадна дотны зочдод нээлттэй ажиллах юм.

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (1)

Илгээх

Энэ тухай