Трамп чухал баримт бичгийг урж хаядаг зуршилтай

Politico сонин Цагаан ордонд ажиллаж байсан эх сурвалжид тулгуурлан АНУ-ын ерөнхийлөгч Дональд Трампын муу зуршлын талаар мэдээллээ. Трамп албаны бичгийн чухал эсэхийг эс тоон урж хаядаг зуршилтай бөгөөд энэ зуршлаа орхихгүй байгаа гэнэ. Бусдын ятгалгыг ч хүлээж авдаггүй аж. Урсан цаасыг Цагаан ордны ажилчид эвлүүлж наагаад архивт явуулдаг байна. Хуулинд зааснаар бүх бичиг баримт архивт хадгалагдах учиртай тул ордны ажилчид ширхэг ч тасархай үлдээлгүй наадаг гэнэ. “Зарим тохиодолд Трамп албан бичгийг хэтэрхий жижиглэж урдаг” хэмээн эх сурвалж тэмдэглэжээ.

Өмнөх ерөнхийлөгч Барак Обамагийн үед бүх албан бичиг бүрэн бүтнээрээ архивт илгээгддэг байжээ.

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай