3171 оюутны шалгалтыг веб сайт дээр байршуулжээ

Энэ жил анагаах ухааны боловсрол олгох 12 их, дээд сургуулийг  3171 оюутан төгсөж ард иргэдийнхээ энхийн манаанд зогсохоор тангарагаа өргөх гэж байна. Төгсөгчид ажлын байранд гарч эрүүл мэндийн тусламж үйлчилгээ үзүүлэхийн тулд   Мэргэжлийн үйл ажиллагаа эрхлэх  зөвшөөрлийн шалгалт өгдөг бөгөөд энэхүү үйл ажиллагааг Эрүүл мэндийн хөгжлийн төв зохион байгуулдаг.

Энэ удаагийн шалгалтын сорилыг вэб сайт дээр байршуулан нээлттэй болгож шалгалт өгөх оюутан бүр орж танилцан,  шалгалтандаа бэлтгэх боломжийг бүрдүүлжээ. Ийнхүү шалгалтын сорил нээлттэй, цахим хэлбэрээр харах боломжтой болсноор оюутнуудад шалгалтанд бэлтгэхэд ач холбогдолтой төдийгүй тодорхойгүй байдлыг хална гэж үзэж байна.

ЭМХТ-өөс төгсөгчдийн мэргэжлийн үйл ажиллагаа эрхлэх зөвшөөрлийн шалгалтын бэлтгэл ажил,  цаашид хамтран ажиллах чиглэлийн талаар анагаах ухааны боловсрол олгодог их дээд сургуулиудийн удирдлагуудтай уулзалт зохион байгуулж дээрх өөрчлөлтийг танилцуулсан бөгөөд сургуулийн захиргаа болон оюутнууд энэ арга хэмжээнд сэтгэл ханамжтай байна. 

ЭМХТ-ийн Ерөнхий захирал Д.Ганцэцэг зөвшөөрлийн шалгалтын зохион байгуулалтыг ил тод, нээлттэй болгож, элдэв дарамтыг үгүй хийн, тодорхой, тэгш байдлыг ханган ажиллахаа уулзалтанд ирсэн  сургуулийн удирдлагуудад хэллээ.

Энэхүү шалгалтын сорилыг тус төвийн www.hdc.gov.mn сайтаар орж танилцах боломжтой юм байна.           

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай