Буриадаар дамжин өргөх нислэг үйлдэх эрхийг “Хүннү эйр”-т олгожээ

ОХУ-ын Буриадын БНУ-ын Зам, тээвэр, эрчим хүчний хөгжлийн яамны мэдээлснээр Монголын агаарын тээврийн “Хүннү эйр” компанид дамжин өргөх нислэг хийх эрх олгожээ. Тус компани Улаанбаатараас Улаан-Үүдээр дамжин БНХАУ руу нислэг хийх юм байна. ОХУ-ын Тээврийн яам 2017 онд Улаан-Үүдийн нисэх буудал “Байкал”-ын зэрэглэлийг өсгөж Сочи, Калининград, Владивостокийн нисэх буудлуудтай ижил түвшинд хүргэсэн учир тус нисэх буудал олон улсын транзит нислэгийг хүлээн авах боломжтой болжээ.

“Монголын компани Улаанбаатар-Улаан-Үүд-Хайлаар, Улаанбаатар-Улаан-Үүд-Манжуур” маршрутаар нислэг хийх эрхээ БНХАУ-ын талаас мөн авсан. Тиймээс “Хүннү эйр” 2018 оны зургадугаар сарын сүүлчээс эхлэн долоо хоногт хоёр удаа дээрх чиглэлүүдэд нислэг хийнэ. Эдгээр нислэг нь Монгол, ОХУ, БНХАУ-ын иргэдэд гурван улсаар саадгүй аялах боломжийг олгох юм” хэмээн Буриадын БНУ-ын Зам, тээвэр, эрчим хүчний хөгжлийн яамны хэвлэлийн алба мэдээлжээ.

 

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай