Э.Даваачимэг Азийн АШТ-ий хошой хүрэл медальтай болов

Өнөөдөр эхэлсэн чөлөөт бөхийн насанд хүрэгчдийн Азийн АШТ-ий эмэгтэйчүүдийн 55 кг-д “Хилчин” спорт хорооны тамирчин, ОУХМ Эрхэмбаярын Даваачимэг хүрэл медаль хүртэв. Тэрбээр хэсгийн аваргын төлөөх барилдаанд Энэтхэгийн Лалита Лалитаг 6:0-ээр ялсан ч хагас шигшээд Японы Саки Игарашид 0:3-аар ялагдсан. Хүрэл медалийн төлөөх барилдаанд Казахстаны Назгул Нураханыг оноогоор цэвэр (14:4) ялснаар өнгөрсөн жилийн амжилтаа бататгав.

Тэрбээр ийнхүү Азийн аваргын хошой хүрэл медальтай боллоо. “Mongolia Open” олон улсын тэмцээний гурван удаагийн аварга түүнд оюутны ДАШТ-ий мөнгө, залуучуудын ДАШТ-ий алт, хүрэл, Красноярскийн "Алтан Гранпри", Польшийн нээлттэй тэмцээний хүрэл медаль бий.

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай