ИНФОГРАФИК: Аж үйлдвэрийн салбар тоон үзүүлэлтээр

Аж үйлдвэрийн салбарын нийт үйлдвэрлэл 2018 оны 1 дүгээр сард урьдчилсан гүйцэтгэлээр 1.1 их наяд төгрөгт хүрч, өмнөх оны мөн үеэс 168.9 (18.1%) тэрбум төгрөгөөр өслөө. Үүнд уул уурхай, олборлох аж үйлдвэрийн нийт үйлдвэрлэл өмнөх оны мөн үеэс 124.4 (18.5%) тэрбум төгрөгөөр, үүнээс нүүрс олборлолт 70.7 (33.2%) тэрбум төгрөг, металлын хүдэр олборлолт 49.4 (13.5%) тэрбум төгрөгөөр тус тус өссөн нь голлон нөлөөлөв.

Аж үйлдвэрийн салбарын үйлдвэрлэлийн индекс (улирлын нөлөөллийг арилгасан тооцоо) 2018 оны 1 дүгээр сард 154.7 (2010=100) болж, өмнөх оны мөн үеэс 6.9 хувиар, өмнөх оны эцсээс 0.1 хувиар буурсан байна.

Уул уурхай, олборлох аж үйлдвэрийн салбарт 2018 оны 1 дүгээр сард өмнөх оны мөн үеэс төмрийн хүдэр, буталмал чулуу зэрэг гол нэр төрлийн бүтээгдэхүүний олборлолт 2.6-2.8 дахин, боловсруулах аж үйлдвэрийн салбарт катодын зэс, архи, шар айраг, малын тэжээл, хиаман төрлийн бүтээгдэхүүн, ноолууран сүлжмэл эдлэл, банш, бууз зэрэг гол нэр төрлийн бүтээгдэхүүний үйлдвэрлэл 2.8-89.3 хувиар өссөн байна.

Харин уул уурхай, олборлох аж үйлдвэрийн салбарт алт, газрын тос, молибдений баяжмал, зэсийн баяжмал, нүүрс, хайлуур жонш зэрэг бүтээгдэхүүний олборлолт 7.5-20.8 хувь, боловсруулах аж үйлдвэрийн салбарт зүсмэл материал, вакуум цонх, хаалга, самнасан ноолуур, адууны мах, барилгын модон хаалга, цонх зэрэг гол нэр төрлийн бүтээгдэхүүний үйлдвэрлэл 39.5-91.9 хувиар буурсан байна.

Аж үйлдвэрийн салбарын борлуулсан бүтээгдэхүүн 2018 оны 1 дүгээр сард 1.3 их наяд төгрөгт хүрч, 961.7 тэрбум төгрөг буюу 72.9 хувийг гадаад зах зээлд борлуулжээ.

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай