Томуу, томуу төст өвчний эмнэлгийн тусламж үйлчилгээ, хяналтыг сайжруулжна

Томуу, томуу төст өвчний эмнэлгийн тусламж үйлчилгээ, хяналтыг сайжруулжна

Хан-Уул дүүргийн нэгдсэн эмнэлэгийн Дотрын тасагт 2018 оны 01 дүгээр сарын 16-ны өдрийн байдлаар 51 том хүн, 32 хүүхэд хэвтэн эмчлүүлж байна. Харин хүүхдийн тасагт нийт 53 хүүхэд хэвтэн эмчлүүлж байгаа нь нийт 75 ортой тасгийн хувьд орны ачаалал үүсээгүй, үйл ажиллагаа хэвийн байлаа.

Нэгдсэн эмнэлгийн эмч нар эрүүл мэндийн боловсрол олгох сургалтыг хэвтэн эмчлүүлэгч болон хүүхдээ сахиж буй эцэг эх, асран хамгаалагч нарт зориулж 7 хоног тутамд 2 удаа зохион байгуулдаг, мөн иргэдэд мэдээ, мэдээллийг хүргэх, зөвлөн туслах зорилгоор хөтөч сувилагч нарыг ажиллуулж байгааг эмч, сувилагч болон хэвтэн үйлчлүүлэгч нар онцолж байв.

 “АЯУТ” өрхийн эрүүл мэндийн төв нь Хан-Уул дүүргийн 9 дүгээр хорооны хүн амд эрүүл мэндийн тусламж, үйлчилгээ үзүүлдэг ба Томуу, томуу төст өвчний улиралчлалын үетэй холбогдуулан ажлын өдрүүдэд уртасгасан цагаар 19 цаг хүртэл ажиллаж, Бямба гаригт 10-14 цагийн хооронд хуваарийн дагуу 1 эмч ажиллаж байна.

ХУД-ийн “Амин-тус” өрхийн эрүүл мэндийн төв нь дүүргийн 10 дугаар хорооны хүн амд эрүүл мэндийн тусламж, үйлчилгээг нийт 5 эмч, 4 сувилагчтай хүргэдэг ба 2018 оны 01 дүгээр сарын 15-ны өдрийн байдлаар төвийн нийт үзлэгийн тоо 2260, үүний 84 үзлэг буюу 3,7% хувийг томуу, томуу төст өвчний үзлэг эзлэж байна. Сурагчдын амралт эхэлсэн, өрхийн эрүүл мэндийн төв уртасгасан цагаар болон Бямба гаригт ажиллаж байгаа, мөн бага насны хүүхдээ асарч байгаа эцэг эхчүүдэд цалинтай чөлөө олгож байгаатай холбоотой томуу, томуу төст өвчний өвчлөл багасч байгааг эмч нар ярьж байв.

“ЭНХБУЯНТ-МАНАЛ” өрхийн эрүүл мэндийн төв нь нийт 6 эмч, 6 сувилагчтай үйл ажиллагаа явуулдаг бөгөөд Этүгэн их сургуулийн VI курсын 5 оюутан тус төвд дадлага хийж байна. Томуу, томуу төст өвчний улиралчлалын үетэй холбогдуулан ажлын өдрүүдэд уртасгасан цагаар 19 цаг хүртэл ажиллаж, Бямба гаригт 10-14 цагийн хооронд хуваарийн дагуу 1 эмч ажиллаж байгаа бөгөөд өнгөрсөн Бямба гариг буюу 2018 оны 01 дүгээр сарын 13-ны өдрийн байдлаар нийт үзлэгийн тоо 11, үүнээс 2 үзлэг нь нярай, 4 үзлэг 1-5 настай хүүхэд байсан байна.

Эх сурвалж: ЭМЯ

 

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай