Ухаалаг тоглоомоос хол бай

Ухаалаг тоглоомоос хол бай

Хүмүүсийн хэрэглээ, хэрэгцээ шаардлага нэмэгдэхийн хэрээр хүүхдийн тоглоом ч ухаалаг болж буй. Дуу дуулдаг, ярьдаг, bluetooth wifi холбогддог тоглоом бишгүй болсон. Тэгвэл ХБНГУ-д ийм төрлийн тоглоом худалдахыг эсэргүүцэж эхэлжээ. Тодруулбал, тус улсын хэрэглэгчийн эрх ашгийн төлөө байгууллага "Stifftung warentest'' -аас явуулсан судалгаагаар bluetooth болон wifi суурилуулсан тоглоомоор дамжуулан хакерууд хүүхдүүдтэй харилцаж, уруу татаж, цаашилбал хулгайлж ч болзошгүй нь тогтоогдсон байна. Туршилтад ашигласан долоон тоглоомын дөрөв нь хүүхдийн аюулгүй байдалд сөргөөр нөлөөлөх эрсдэлтэй байжээ. Тэдгээр тоглоомууд нь Toy-Fi Teddy, CloudPets зэрэг ажээ. Дээрх тоглоомуудын bluetooth холболт нь хамгаалалтгүй, нууц үг шаардлагагүй учраас гаднаас хэн ч нэвтрэх боломж олгож байгаа юм. "Argos", "Amazon" зэрэг сайтаар захиалга авч эхэлсэн эдгээр тоглоомын Bluetooth 10-30 метрийн зайнаас холбогдож байгаа нь хүүхдийн аюулгүй байдалд өндөр эрсдэл дагуулж буй гэж тэд үзжээ. 

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай