Г.Мандахнаран, Д.Төмөрхүлэг нарын хэн нь давах бол

Г.Мандахнаран, Д.Төмөрхүлэг нарын хэн нь давах бол

“Хосбаатар” сан, фэйсбүүкийн “Жудаг” группээс санаачлан энэ сарын 20-нд зохион байгуулах 16 бөхийн халз барилдаанд хэн хэн зодоглох нь бөхийн хорхойтнуудын анхаарлыг татаж байсан. 30 сая төгрөгийн шагналын сантай тус барилдаанд өрсөлдөх бөхчүүдийн нэр тодорч, улсын арслан Э.Оюунболд, Р.Пүрэвдагва, улсын заан Б.Батмөнх, Б.Пүрэвсайхан, Н.Жаргалбаяр, улсын харцага Т.Баасанхүү, Б.Одгэрэл, Х.Гантулга, О.Хангай, Б.Бат-Өлзий, М.Бадарч, улсын начин Э.Энхбат, Ж.Чулуунбат, Э.Даш, Ч.Хөхчирэнгэр, Б.Амарзаяа нар оролцохоор болжээ.

Сугалаагаар гурван удаа барилдах (өөр, өөр бөхтэй) тэдний даваа бүрийг нэг сая төгрөгөөр урамшуулах аж. Гурав давсан бөхчүүд хоорондоо барилдан, түрүүлсэн нь гурван сая төгрөг өвөртөлнө. Зохион байгуулагчид барилдааныг сонирхолтой болгохын тулд чөлөөт бөхийн ДАШТ-ий хошой хүрэл медальт, Гавьяат тамирчин Г.Мандахнаран, жүдогийн өнөө цагийн шилдэг тамирчдын нэг, ОУХМ Д.Төмөрхүлэг нарыг үндэсний бөхөөр барилдуулахаар болжээ.

Тэд хоорондоо гурван удаа барилдана. Бөмбөрцгийн хоёр хүчтний хэн давах нь спорт сонирхогчдын анхаарлыг татаж байгаа нь мэдээж. Улсын наадам болон танхимын барилдаанд үе үе зодоглодог Д.Төмөрхүлэгийн аав нь улсын харцага Ч.Даваадорж агсан гэдгийг бөхийн хүрээнийхэн андахгүй. Харин Г.Мандахнаран гавьяат үндэсний бөхөөр төдийлөн барилддаггүй. Их спортоор хүч үздэг хоёр хүчтний хэн нь давах бол...  

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай