Ам.доллар, юанийн ханш уруудсаар байна

Валют арилжааны “Найман шарга” захад ченжүүд өчигдөр 14.00 цагт ам.долларыг 2444 төгрөгөөр худалдан авч, 2447-гоор зарж байв. Мөн юанийг 368.5 төгрөгөөр аваад, 369.6-гаар борлуулж байлаа. Сүүлийн өдрүүдэд тэнд төгрөгийн эсрэг “ногоон” болон урд хөршийн мөнгөн тэмдэгтийн ханш суларсаар буй юм.

Тухайлбал, ченжүүд долоо хоногийн өмнө ам.долларыг 2452 төгрөгөөр аваад, 2454-өөр худалдаж байв. Бас юанийг 371 төгрөгөөр аваад, 371.5-аар зарж байлаа. Өөрөөр хэлбэл, дээрх хугацаанд төгрөгтэй харьцах ам.долларын ханш 0.3, юанийнх 0.7 хувиар сулрав. Монголбанкнаас зарласан ам.долларын төгрөгтэй харьцах ханш ч доошилсоор буй.

Энэ сарын эхэнд гэхэд ам.доллар 2456.22 төгрөгтэй тэнцэж байсан бол баасан гаригийн байдлаар 2444.96-д хүрэв. Тэгвэл төгрөгийн эсрэг юанийн ханш энэ сарын 10-нд 369.13 төгрөг байснаас хойш доошлон, баасан гаригт 368.56 боллоо.

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд “Монгол Ньюс” медиа групп хариуцлага хүлээхгүй.

Сэтгэгдэл бичих (0)

Илгээх

Энэ тухай